VMA - Kynntu sér kennslu erlendra nema í Groningen
„Í þessari ferð sannfærðust við um það enn frekar hversu mikilvægt er að stórauka íslenskukennslu sem annars tungumáls. Ég held að það sé öllum ljóst að við verðum að bæta verulega í þessa kennslu á framhaldsskólastiginu,“ segir Jóhanna Björk Sveinbjörndóttir, verkefnastjóri erlendra nema í VMA. Jóhanna, Annette de Vink tungumálakennari og Anna María Jónsdóttir, sviðsstjóri verklegra greina í VMA, fóru til Groningen í Hollandi dagana 17. til 24. september sl. þar sem þær kynntu sér hvernig Hollendingar standa að kennslu innflytjenda og hælisleitenda. Ferðin var styrkt af Erasmus+ styrkjaáætlun ESB.
Nemendum sem hafa ekki íslensku sem sitt móðurmál hefur fjölgað umtalsvert í íslensku skólakerfi og þar er VMA engin undantekning. Aldrei hafa fleiri nemendur sótt tíma í VMA í íslensku sem öðru máli, á þessari önn eru þeir sem næst tuttugu.
Jóhanna Björk segir að heimsóknin til Groningen hafi styrkt hana í þeirri trú að það þurfi verulegt átak í íslenskukennslu á Íslandi fyrir erlenda nemendur. Allt bendi til þess að þeim muni halda áfram að fjölga á næstu árum og því sé löngu tímabært að stjórnvöld marki sér ákveðna stefnu í þessum málum, t.d. hvað varðar samræmingu námskrár og námsefnis og menntun kennara til þess að kenna íslensku sem annað mál.
Þær heimsóttu fimm skóla í Groningen og kynntu sér hvernig Hollendingar standa að þessum málum. Meðal annars var sóttur heim ISK - Internationale Schakelklas Groningen (International Transition Classes Groningen) þar sem boðið er upp á tveggja ára markvisst nám – eins konar móttökunám – þar sem öll áhersla er á hollensku og hollenskt samfélag. Einnig var fylgst með tungumálakennslu í háskólanum í Groningen (University of Groningen) og sóttir heim framhaldsskólar.
Jóhanna segir Hollendinga komna mun lengra í þessum efnum en hér á landi og af þeim sé ýmislegt hægt að læra. Hún segir athyglisvert að erlendir nemendur í Hollandi hafi ekki aðgang að námsbrautum í framhalds- og háskólum fyrr en loknu tveggja ára markvissu undirbúningsnámi og að þeir geti sýnt fram á lágmarkskunnáttu í hollensku. Öll kennsla fari fram á hollensku og gildi þá einu hvort um sé að ræða hefðbundið bóknám, leiklist eða annað.
„Ég held að sé alveg ljóst að við Íslendingar erum fjarri því að gera nóg í að kenna fólki af erlendum uppruna. Íslenskukunnáttan er auðvitað grunnur að því að þessir nemendur geti sótt nám sem að mestu eða öllu leyti fer fram á íslensku. Heimsókn okkar til Hollands var mikilvægt veganesti fyrir okkur sem vinnum að þessum málum hér. Við komum fílefldar til baka og fullar af hugmyndum,“ segir Jóhanna Björk Sveinbjörnsdóttir.
Frá þessu segir á heimasíðu Verkmenntaskólans
Nýjast
-
Þjónustunefnd AA leitar að framtíðarhúsnæði
Brýnt er að ráðast í gagngerar endurbætur á húsinu að Strandgötu 21 þar sem AA-samtökin á Akureyri hafa haft aðstöðu sína um langt árabil. -
Hitaveitur þarfnast athygli
Norðurorka rekur hitaveitu í Ólafsfirði og Reykjaveitu í Fnjóskadal auk hitaveitu á Akureyri og nágrannabyggðum. Þær veitur þarfnast athygli að því er fram kom í máli Eyþórs Björnsson forstjóra Norðurorku á aðalfundi félagsins. -
Hængsmenn afhentu bíl og héldu Hængsmót
Lionsklúbburinn Hængur á Akureyri hélt um liðna helgi árlegt Hængsmót fyrir fatlaða í 41. Skipti. Mótið fór fram í Íþróttahöllinni og í ár var keppt í boccia en mótið var auk þess Íslandsmót í greininni. -
Sýning ársins 2024 opnuð á Sigurhæðum
Á mæðradaginn, sunnudaginn 12. maí klukkan 13 opnar Sýning ársins 2024 í Menningarhúsi í Sigurhæðum á Akureyri. Lilja Alfreðsdóttir, menningar- og viðskiptaráðherra, flytur ávarp á opnuninni. Húsið verður opið til klukkan 17 þennan sunnudag og það verður líka hægt að líta inn á vinnustofur listafólks, hönnuða og hugsuða á annarri hæð Sigurhæða. -
Vátryggingafélag Íslands (Skagi) kaupir Íslensk verðbréf
Vátryggingafélag Íslands hf. (Skagi) hefur undirritað kaupsamning við hluthafa Íslenskra verðbréfa hf. (ÍV) um kaup Skaga á 97,07% hlutafjár í félaginu. Horft er til þess að í kjölfarið verði farið í kaup hlutafjár annarra hluthafa þannig að Skagi verði einn eigandi alls hlutafjár í Íslenskum verðbréfum. Kaupverð 97,07% hlutafjár í Íslenskum verðbréfum er 1.598 milljónir króna. Gert er ráð fyrir að kaupverðið verði greitt með reiðufé, en Skagi hefur val um að greiða allt að fjórðungi kaupverðsins með afhendingu nýs hlutafjár í Skaga. Fyrirtækjaráðgjöf og sérhæfðar fjárfestingar eru undanskilin í kaupunum. Jóhann M. Ólafsson, forstjóri ÍV, hefur stigið til hliðar og Jón Helgi Pétursson, framkvæmdastjóri ÍV sjóða, hefur tekið tímabundið við sem forstjóri félagsins. -
Amtsbókasafnið - Býður garðverkfæri í útlán
Áður hefur verið haft á orði á þessum vef að starfsfólkið á Amtinu hér í bæ sé skemmtilega ferskt og fái líflegar hugmyndir sem notendur safnsins kunna vel að meta. Í frétt frá þeim í dag er sagt frá að nú sé hægt að fá garðverkfæri, takk fyrir takk, að láni hjá Amtsbókasafninu! Kæru safngestir! NÝJUNG! - Við erum farin að bjóða upp á garðverkfæri til útláns! Það er farið að vora á Akureyri og kominn tími til að byrja vorverkin. Frá og með deginum í dag eru garðverkfæri til útláns hjá okkur, lánstími er 7 dagar. Verkfæri sem eru í boði: handskófla, lítil klóra, stungugaffall, stunguskófla, kantskeri, handklippur, greinaklippur, fata, beðhrífa, fíflajárn, greinasög og garðáhöld fyrir börn. Vinsamlegast þrifið verkfærin vel áður en þið skilið. -
Dýrahræ fundust á víðavangi við Línuveg á Húsavík
Steingrímur Hallur Lund rak í rogastans á dögunum þegar hann var úti að viðra hundinn sinn úti á Bakka við Línuveg í landi Húsavíkur. Hann var ekki komin langt frá veginum þegar hann gekk fram á dauða rollu, sem búið var að klippa af eyrun. Skammt undan gekk hann svo fram á fimm selshræ. -
Krían komin til Grímseyjar
Fyrstu kríurnar þetta árið í Grímsey sáust um helgina. Varpið þar er með stærri kríubyggðum á landinu og er talið að þar verpi þúsundir para. Litlar rannsóknir hafa verið gerðar á breytingum kríuvarpa frá ári til árs en margt bendir til fækkunar víða á landinu frá því um aldamót, einnig hefur orðið vart við sömu þróun í nágrannalöndum okkar. -
Úrskurðaður í fjögurra vikna gæsluvarðhald
Rannsókn á máli þar sem fimmtug kona fannst látin á heimili sínu þann 22. apríl síðastliðinn miðar vel.
Athugasemdir