Vikudagur kemur út í dag
Vikudagur kemur út í dag og að vanda er blaðið stútfullt af fréttum, fróðleik og mannlífsefni.
Meðal efnis í blaðinu:
-Aðalfundur Ferðamálafélags Eyjafjarðarsveitar fór fram nýverið þar sem m.a. var samþykkt að stækka stjórn úr þremur í fimm vegna umfangs þeirra verkefna sem unnið er að. Ferðaþjónusta er áberandi í Eyjafjarðarsveit en hátt í 30 ferðaþjónustufyrirtæki eru þar starfandi. Vikudagur forvitnaðist um stöðuna í ferðaþjónustu í Eyjafjarðarsveit og horfurnar fyrir sumarið.
-Í Grímsey og Hrísey undirbýr fólk í ferðaþjónustu sig fyrir sumarið og sló Vikudagurinn á þráðinn til Höllu Ingólfsdóttur sem rekur ferðaþjónustufyrirtækið Arctic Trip í Grímsey og Lindu Maríu Ásgeirsdóttur vert í Hrísey.
-Gestur Einar Jónasson fagnaði 70 ára afmæli sínu um svipað leyti sem hann fékk heiðursviðurkenningu frá Akureyrarbæ á Vorkomunni sem haldin er sumardaginn fyrsta ár hvert. Hann hætti einnig störfum um sl. áramót á Flugsafninu og stendur því sannnarlega á tímamótum þessa dagana. Vikudagur sló á þráðinn til Gests Einars og spjallaði við hann um tímamótin og heiðursviðurkenninguna.
-Jóna Sigurlaug Friðriksdóttir heldur um áskorendapennan þessa vikuna og skrifar áhugaverðan pistil.
-Í Húsi vikunnar fjallar Arnór Bliki Hallmundsson um Norðurgötu 2.
-Helga Dögg Sverrisdóttir grunnskólakennari skrifar um myglu í grunnskólum Akureyrar og Guðný Friðriksdóttir skrifar um dag hjúkrunarfræðinga.
-Akureyrska sundkonan Bryndís Rún Hansen hefur æft sund af kappi í yfir tuttugu ár en hún byrjaði að synda 5 ára gömul. Hún býr núna í Istanbúl í Tyrklandi og æfir með Fenerbahce sem er fremsta sundliðið í Tyrklandi. Bryndís Rún Hansen er íþróttamaður vikunnar að þessu sinni.
Þetta og mun meira til í Vikudegi í dag. Smelltu hér til að gerast áskrifandi. Áskriftarsíminn er 460-0750 og 860 6751. Einnig er hægt senda póst á askrift@vikudagur.is
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir