Viðtökur framar björtustu vonum
Rúnar Friðriksson og Steingrímur Magnússon
Viðtökur hafa verið mjög góðar, framar björtustu vonum, segja þeir Rúnar Friðriksson og Steingrímur Magnússon sem eiga og reka fyrirtækið Arcticus Sea Product á Akureyri, en það var stofnað síðastliðið haust og er framleiðsla þess nú komin á fullt skrið og gengur vel. Félagið sérhæfir sig í framleiðslu á fiskafurðum. Einkum hefur sjónum verið beint að innanlandsmarkaði, en í þessari viku fer prufusending út fyrir landsteinana, þannig að fyrsta skrefið í útflutningi félagins hefur þegar verið tekið.
Meðfram almennri sölumennsku og markaðssetningu unnum við alla tíð með það í huga að fara sjálfir út í framleiðslu af einhverju tagi og fyrsta hugmyndin sem varð að veruleika var félagið Eldfjallabrugg, fyrsta íslenska fyrirtækið sem hóf framleiðslu á gosbjór, segir Rúnar.
Nú þegar eru þrjár vörutegundir komnar á markað, fiskur í orlydeigi, fiskibollur og einnig grænmetisbuff. Vörurnar hafa undanfarnar vikur verið í sölu hjá stærri kaupendum, m.a. hjá mötuneytum en eru nú nýkomnar inn á almennan smásölumarkað, m.a. hjá Samkaupakeðjunni, Hagkaup og Krónunni. Vörunum hefur verið vel tekið og við erum auðvitað himinlifandi yfir því, segir Steingrímur. Okkar vörur eru tilbúnar til eldunar og það mælist mjög vel fyrir, enda margir í tímaþröng og þykir gott að grípa vörur af því tagi í kvöldmatinn, en jafnframt höfum við að leiðarljósi að okkar framleiðsluvörur séu hollar og góðar og á sanngjörnu verði.
Fyrsta sending út í vikunni
Áhugasamur kaupandi í útlöndum hefur sett sig í samband við fyrirtækið og hefur áhuga fyrir að kaupa umtalsvert magn af afurðum frá félaginu. Fyrsta prufusendingin fer utan í vikunni.
Þeir félagar vilja á þessari stundu ekki greina frá hver hugsanlegur kaupandi er, en segja að ef allt gangi að óskum hafi hann áhuga fyrir að kaupa mikið magn. Það er í augsýn að við náum góðum samning og að fyrirtækið fari í útflutning í nánustu framtíð, segja þeir.
Nýjast
-
Heilbrigðiskerfið í bakkgír
Velferðarnefnd hefur haft til umfjöllunar nú í vor frumvarp til laga um breytingar á lögum um sjúkratryggingar. Yfirlýst markmið þessa frumvarps er að stytta þann tíma sem tekur að bjóða upp á nauðsynlega heilbrigðisþjónustu og þar með tiltekna meðferð. Á meðal þeirra breytinga sem lagðar eru til er að fest verði í lög ákvæði um greiðsluþátttöku fyrir læknismeðferð erlendis vegna biðtíma hér á landi. -
SAk tryggt fé til kaupa á heilaörvunartæki
Heilbrigðisráðherra hefur tryggt fjármagn sem gerir Sjúkrahúsinu á Akureyri (SAk) kleift að innleiða heilaörvunarmeðferð einstaklinga með meðferðarþrátt þunglyndi. Áætlað er að á upptökusvæði SAk séu um 240 einstaklingar sem gætu nýtt sér slíka meðferð árlega. Rannsóknir sýna að meðferðin skilar miklum árangri, eða um 60-70% í hópi einstaklinga sem þjást af meðferðarþráu þunglyndi en hafa lítið gagn af hefðbundinni meðferð, s.s. lyfjum og hugrænni atferlismeðferð. -
Framsýn og FSH skrifa undir nýjan kjarasamning
Stjórnendur Framsýnar og Framhaldsskólans á Húsavík hafa undanfarið átt í viðræðum um nýjan stofnanasamning fyrir starfsmenn skólans sem starfa eftir kjarasamningi félagsins. Viðræðurnar gengu mjög vel og kláruðust þær í gærmorgun með undirskrift aðila. -
Akureyri Open í frisbígolfi fór fram um helgina
Um helgina fór fram Gull- og Silfurmótið Akureyri Open í boði Sportver. Mótið var haldið af Frisbígolffélagi Akureyrar og fór fram á frisbígolfvellinum við tjaldstæðið á Hömrum. Keppnin stóð yfir í þrjá daga og tóku 83 keppendur þátt víðsvegar að af landinu. Þrátt fyrir að veðrið hafi ekki verið upp á sitt besta létu keppendur það ekki trufla sig og stemningin var frábær alla helgina. -
Hvers vegna öll þessi leynd? - Breytingar á skipulagi forvarnar- og frístundamála
Það var dularfull stemning í aðdraganda þess að ræða átti trúnaðarmál bæði í fræðslu- og lýðheilsuráði og í bæjarráði þann 22. maí sl. Ekki lá fyrir hvað ætti að ræða og engin gögn voru lögð fram fyrir fundinn. Á fundi bæjarráðs var svo tilkynnt að „ákvörðun hefði verið tekin“ um að leggja niður núverandi skipulag forvarna- og frístundamála hjá Akureyrarbæ. Átti að tilkynna starfsfólki breytingarnar síðar sama dag. -
Tveimur ferskum verkum í Pastel ritröð fagnað í Sigurhæðum
Á fimmtudag 12. júní klukkan fimm verður tveimur splunkunýjum verkum eftir tvo frábæra og ólíka listamenn í Pastel ritröð fagnað í Sigurhæðum á Akureyri. -
Hundakvöld á Listasafninu á Akureyri
Fimmtudaginn 12. júní mun Listasafnið á Akureyri bjóða hunda og eigendur þeirra velkomna á sérstakt hundakvöld. Opið verður frá kl. 19 til 22 og ókeypis inn fyrir eigendur í fylgd hunda -
Íbúum fjölgar á Norðurlandi eystra
Samkvæmt tölum úr Þjóðskrá fjölgaði fólki á Norðurlandi eystra frá 1 des. sl. til 1 júni s.l um 157 manns eða um 0,5%. Þetta er sama fjölgun og var á landsvísu á sama tima. -
atNorth ræður tvo nýja stjórnendur
Gagnavers- og ofurtölvufyrirtækið atNorth hefur ráðið Bjarka Björnsson sem forstöðumann fjármögnunar og fjárstýringar og Axel Valdemar Gunnlaugson í starf forstöðumanns upplýsingatækni.
