Viðræður um aukið samstarf menningarstofnana
Ingibjörg Ösp Stefánsdóttir fyrir framan Hof.
Viðræður um aukið samstarf milli þriggja menningarstofnana á Akureyri, Menningarhússins Hofs, Leikfélags Akureyrar og Sinfóníuhljómsveitar Norðurlands hefjast í næsta mánuði. Fulltrúar Akureyrarstofu munu að auki taka þátt í viðræðunum. Rekstur Menningarhússins Hofs hefur gengið vonum framar en hagnaður varð upp á 1,5 milljónir króna af rekstrinum eftir fyrstu tvö starfsárin og yfir 300 þúsund gestir. Önnur og erfiðari staða er uppi á teningunum hjá bæði Leikfélaginu og Sinfóníuhljómsveitinni, sem glímt hafa við verulega rekstrarerfiðleika undanfarin misseri.
Ingibjörg Ösp Stefánsdóttir framkvæmdastjóri Menningarhússins Hofs segir að hvað Hof varðar sé markmið með þeim viðræðum sem senn hefjast um aukið samstarf menningarstofnana í bænum m.a. að ná betri nýtingu fjármuna sem til ráðstöfunar eru hverju sinni og eins líka að auka gæði og fagmennsku í starfsemi þessara stofnana.
Það kemur svo í ljós hversu stór skref menn eru tilbúnir að taka, það er vilji fyrir því meðal fulltrúa allra menningarstofnanana að auka samstarfið, en hvort það verður í fyrstu um einstök verkefni, rekstur ákveðinna deilda eða eitthvað enn meira leiðir tíminn í ljós, segir Ingibjörg.
Nánar er fjallað um málið í prentútgáfu Vikudags sem kom út í dag.
Nýjast
-
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann. -
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku. -
Framkvæmdir að hefjast við nýtt svæði á Torfunefsbryggju Samið um fyrstu bygginguna
Samningur milli HN og verktakafyrirtækisins Húsheildar/Hyrnu um byggingu fyrsta hússins á Torfunefssvæðinu hefur verið undirritaður og markar ákveðin skref í uppbyggingu svæðisins.
