Um 1,5 milljón króna hagnaður af rekstri Hofs
Menningarhúsið Hof.
Rekstur Menningarhússins Hofs á Akureyri hefur gengið vonum framar og munu forsvarsmenn Menningarfélagsins Hofs sem sér um reksturinn skila rekstrarafgangi upp á eina og hálfa milljón króna til Akureyrarbæjar. Jafnframt skorar félagið á bæjaryfirvöld að sjá til þess að þetta fjármagn verði nýtt í framleiðslulistviðburða á svæðinu. Ingibjörg Ösp Stefánsdóttir segir að aðsókn á viðburði í Hofi hafi frá upphafi, haustið 2010 verið góð og yfir 300 þúsund gestir hafi sótti viðburði í húsinu.
Við erum virkilega ánægð með þetta fljúgandi start sem starfsemin hér í Hofi hefur fengið en það sýnir sig með þessari góðu aðsókn að gestir eru ánægðir með fjölbreytt framboð viðburða, segir Ingibjörg Ösp. Framundan á þriðja starfsári Hofs er fjölbreytt og metnaðarfull dagskrá úr öllum listgreinum en vetrardagskráin verður kynnt í næstu viku. Reksturinn á fyrsta starfsári gekk vel og nú liggur fyrir að síðasta starfsár skilar rekstrarafgangi sem nemur einni og hálfri miljón króna. Þeim afgangi verður skilað til Akureyrarbæjar með áskorun um að stofnaður verði sjóður sem listamenn og framleiðendur listviðburða á svæðinu geti sótt í.
Samkvæmt núgildandi samningi við Akureyrarbæ er það ekki hlutverk Hofs að framleiða viðburði eða taka ákvarðanir um sérkjör sem einstaka aðilar eiga að njóta í húsinu. Hinsvegar telja forsvarsmenn Hofs það mikilvægt að listamenn og menningarstofnanir geti sótt um styrki eða stuðning til að standa fyrir viðburðum í Hofi. Þessi sjóður gæti orðið upphafið af slíku en það væri þá ekki á forræði Hofs að ákvarða hvernig yrði úthlutað úr honum.
Ingibjörg segir að skýra megi þessa góðu afkomu í rekstrinum meðal annars með góðri aðsókn sem hefur skilað meiri tekjum en áætlanir gerðu ráð fyrir. Aðsóknin hefur farið fram úr okkar björtustu vonum og á sama tíma hefur reksturinn slípast til. Það hefur vissulega verið mikið aðhald í rekstrinum og unnið er markvisst að því að halda niðri öllum kostnaði. Þetta er ánægjuleg niðurstaða sem er afrakstur samhents átaks og óeigingjarns framlags öflugs starfsmannahóps í Hofi og annara sem koma að rekstrinum með einum eða öðrum hætti. segir Ingibjörg Ösp.
Nýjast
-
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann. -
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku. -
Framkvæmdir að hefjast við nýtt svæði á Torfunefsbryggju Samið um fyrstu bygginguna
Samningur milli HN og verktakafyrirtækisins Húsheildar/Hyrnu um byggingu fyrsta hússins á Torfunefssvæðinu hefur verið undirritaður og markar ákveðin skref í uppbyggingu svæðisins.
