Tíu KA-menn knúðu fram sigur gegn Þór
KA hafði betur gegn Þór í uppgjöri Akureyrarliðanna í 1. deild karla í knattspyrnu í kvöld, 3-2, en leikið var á Akureyrarvelli. Eftir bragðdaufan fyrri hálfleik gerðust hlutirnir í þeim seinni sem var frábær skemmtun. KA lék einum manni færri síðustu sjö mínútur leiksins en það kom ekki að sök og Darren Lough reyndist hetja liðsins er hann skoraði sigurmark leiksins tveimur mínútum fyrir leikslok. Það voru hins vegar gestirnir í Þór sem skoruðu fyrsta mark leiksins og það gerði Ármann Pétur Ævarsson á fyrstu mínútu seinni hálfleiks.
Haukur Hinriksson jafnaði metin fyrir KA aðeins fimm mínútum síðar og Hallgrímur Mar Steingrímsson kom KA yfir með gullfallegu marki skömmu síðar. Þegar rúmur stundarfjórðungur var til leiksloka fékk Þór dæmda vítaspyrnu og Kristinn Þór Björnsson skoraði örugglega úr spyrnunni. Staðan 2-2. Guðmundur Óli Steingrímsson hjá KA gerði sig sekan um gróft brot er hann tæklaði Inga Frey Hilmarsson niður sjö mínútum fyrir leikslok og var rekinn af velli. Tíu KA-mönnum tókst hins vegar að skora sigurmark leiksins og það var umræddur Lough er hann skoraði með skalla eftir sendingu frá Jóhanni Helgasyni úr aukaspyrnu og tryggði KA-mönnum afar dýrmæt stig.
KA lyftir sér upp í sjöunda sæti deildarinnar með sigrinum og fer í átta stig. Þór hefur þrettán stig í öðru sæti, tveimur stigum á eftir toppliði Fjölnis.
Nýjast
-
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann. -
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku. -
Framkvæmdir að hefjast við nýtt svæði á Torfunefsbryggju Samið um fyrstu bygginguna
Samningur milli HN og verktakafyrirtækisins Húsheildar/Hyrnu um byggingu fyrsta hússins á Torfunefssvæðinu hefur verið undirritaður og markar ákveðin skref í uppbyggingu svæðisins. -
Hinsegin hátíð á Norðurlandi eystra
Hinsegin hátíð á Norðurlandi eystra verður haldin í fyrsta skiptið dagana 18.–22. júní 2025. Öll sveitarfélög á Norðurlandi eystra standa að hátíðinni og stefnt er að því að viðburðir fari fram sem víðast í öllum landshlutanum. -
Magnaði Mendelssohn
Felix Mendelssohn (Bartholdy) er talinn hafa verð einn mesti tónsnillingur allra tíma. Undrabarn sem á sinni stuttu 38 ára æfi samdi eina fallegustu tónlist veraldar. Jafnvel önnur tónskáld kölluð hann "hinn nýja Bach" m.a. Liszt, Schumann og Berlioz. -
Glæsileg A-álma tekin í notkun í Glerárskóla
Ný og endurbætt A-álma hefur verið tekin í notkun í Glerárskóla. Gestum bauðst að líta á þær heilmiklu breytingar sem gerðar hafa verið á álmunni, en húsnæðið hefur verið endurnýjað á þann hátt að miklar breytingar hafa verið gerðar á vinnuumhverfi nemenda og starfsfólks. -
Fiskur frá smábátum dregur úr afköstum landvinnslunnar og bónusar starfsfólks lækka
Afköst í fiskvinnsluhúsum Samherja dragast verulega saman þegar keyptur er afli af strandveiðibátum til vinnslu. Starfsmaður sem hefur unnið í tæpa fimm áratugi hjá Útgerðarfélagi Akureyringa segir sláandi mun á gæðum hráefnis frá smábátum og togurum sem veiða á djúpslóð. Bónusar fiskvinnslufólks lækka þegar unninn er afli frá smábátum því mun tímafrekara er að verka fiskinn. -
Af slúbbertum og svörtum sauðum
Vísir birti nýlega frétt um nýútkomna skýrslu Viðskiptaráðs þar sem fjallað er um uppsagnarvernd opinberra starfsmanna. Sá sem fréttina ritar kýs að reyna að fá fleiri „smelli“ með því að leggja skýrsluhöfundi orð í munn eins og að kalla opinbera starfsmenn „slúbberta“.
