Tilraunaholurnar mældar á ný
Á næstu vikum verða tilraunaholurnar sem boraðar voru á sorphaugunum á Glerárdal á síðasta ári, mældar á ný.
Þessa dagana er unnið að því að mæla á ný hauggasið í tilraunaholunum átta sem boraðar voru á sorphaugunum á Glerárdal á síðasta ári. Í ljós hefur komið að áður gefnar forsendur fyrir vinnslu hauggass á sorphaugunum hafa breyst verulega. Endurmetið spálíkan sýnir að minna magn er hægt að vinna en áður var áætlað. Helgi Jóhannesson forstjóri Norðurorku segir að hver hola verði mæld í viku í senn. Búið er að mæla eina holu og segir Helgi að sú hola sé ekki langt frá mælingunum í fyrra.
Þannig að við erum bjartsýnir en líkast til er þarna ekki eins mikið magn og spáð var. Helgi segir að samþykkt hafi verið á stjórnarfundi í þar síðustu viku, að ekki yrðu teknar frekari ákvarðanir fyrr en mælingar á öllum holunum átta lægju fyrir. Við munum engu að síður halda áfram að vinna þau verkefni sem hægt er að vinna án þess að leggja út í kostnað. Við erum ekkert að hætta við verkefnið.
Eftir að Norðurorka kynnti áætlanir sínar um uppbyggingu metanvinnslustöðvar nú í vor rýndu sérfræðingar Umhverfisstofnunar í áðurnefnt spálíkan og höfðu uppi efasemdir um forsendur þess. Í ljósi þessarar rýni yfirfóru sérfræðingar Mannvits spálíkanið og forsendurnar. Niðurstaðan er sú að vinnanlegt magn hauggass er nú talið minna en áður var áætlað. Eins og mál standa nú er vinnanlegt magn samkvæmt endurskoðuðu spálíkani nægjanlegt til þeirrar vinnslu sem Norðurorka áætlaði, þ.e. fyrir 6-700 fólksbílaígildi, en stækkunarmöguleikar vart fyrir hendi og því áhættan og óvissan fyrir Norðurorku meiri en áður var talið.
Helgi segir að þessi niðurstaða sé vissulega áfall. Mikilvægt sé að verkefnið verði arðbært með þeim hætti að þar fari saman hagsmunir allra svo sem að dregið sé úr gróðurhúsaáhrifum, hagsmunir neytenda á Akureyri með mögulegri lækkun á eldsneytiskostnaði og að verkefnið standi undir sér fjárhagslega til lengri tíma litið. Endurmat á verkefninu þurfi sannanlega að leiða til þeirrar niðurstöðu að óvissa sé sem minnst og hún sé ásættanleg. Að þessu mati verður unnið á næstu vikum og óskandi að niðurstaðan verði áfram jákvæð þrátt fyrir breyttar forsendur.
Eins og fram hefur komið samþykkti stjórn Norðurorku í vor að reisa og reka hauggasstöð til framleiðslu á metani úr gömlu soprhaugunum. Talið var að hægt yrði að vinna um 1,5 milljón normalrúmmetra af hauggasi í 25 ár og að áætlað metan væri um 55-60% af hauggasinu. Áætlaður kostnaður við framkvæmdina var áætlaður um 300 milljónir króna.
Nýjast
-
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann. -
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku. -
Framkvæmdir að hefjast við nýtt svæði á Torfunefsbryggju Samið um fyrstu bygginguna
Samningur milli HN og verktakafyrirtækisins Húsheildar/Hyrnu um byggingu fyrsta hússins á Torfunefssvæðinu hefur verið undirritaður og markar ákveðin skref í uppbyggingu svæðisins. -
Hinsegin hátíð á Norðurlandi eystra
Hinsegin hátíð á Norðurlandi eystra verður haldin í fyrsta skiptið dagana 18.–22. júní 2025. Öll sveitarfélög á Norðurlandi eystra standa að hátíðinni og stefnt er að því að viðburðir fari fram sem víðast í öllum landshlutanum. -
Magnaði Mendelssohn
Felix Mendelssohn (Bartholdy) er talinn hafa verð einn mesti tónsnillingur allra tíma. Undrabarn sem á sinni stuttu 38 ára æfi samdi eina fallegustu tónlist veraldar. Jafnvel önnur tónskáld kölluð hann "hinn nýja Bach" m.a. Liszt, Schumann og Berlioz. -
Glæsileg A-álma tekin í notkun í Glerárskóla
Ný og endurbætt A-álma hefur verið tekin í notkun í Glerárskóla. Gestum bauðst að líta á þær heilmiklu breytingar sem gerðar hafa verið á álmunni, en húsnæðið hefur verið endurnýjað á þann hátt að miklar breytingar hafa verið gerðar á vinnuumhverfi nemenda og starfsfólks. -
Fiskur frá smábátum dregur úr afköstum landvinnslunnar og bónusar starfsfólks lækka
Afköst í fiskvinnsluhúsum Samherja dragast verulega saman þegar keyptur er afli af strandveiðibátum til vinnslu. Starfsmaður sem hefur unnið í tæpa fimm áratugi hjá Útgerðarfélagi Akureyringa segir sláandi mun á gæðum hráefnis frá smábátum og togurum sem veiða á djúpslóð. Bónusar fiskvinnslufólks lækka þegar unninn er afli frá smábátum því mun tímafrekara er að verka fiskinn. -
Af slúbbertum og svörtum sauðum
Vísir birti nýlega frétt um nýútkomna skýrslu Viðskiptaráðs þar sem fjallað er um uppsagnarvernd opinberra starfsmanna. Sá sem fréttina ritar kýs að reyna að fá fleiri „smelli“ með því að leggja skýrsluhöfundi orð í munn eins og að kalla opinbera starfsmenn „slúbberta“.
