Til hamingju með áfangann!
Kristján Þór Júlíusson skrifar:
Á morgun, föstudag, verður skrifað undir samninga um gerð Vaðlaheiðarganga. Langþráðum áfanga í samgöngumálum Norðlendinga og allra landsmanna verður þar með náð.
Ég hef þá bjargföstu trú að Vaðlaheiðargöng séu þjóðþrifamál og þó svo að um þessa framkvæmd hafi gustað verulega í sölum Alþingis og víðar, er ég sannfærður um að þegar frá líður muni koma vel í ljós hvaða gildi Vaðlaheiðargöng hafa til eflingar byggða á Mið-Norðurlandi.
Vaðlaheiðargöng hafa lengi verið til umræðu og leiðin að undirskriftinni á morgun hefur oft og tíðum verið þyrnum stráð. Ég minnist þess að göngin kom fyrst upp í umræðunni í bæjarstjórn Akureyrar árið 1998 í kjölfar áherslu atvinnumálanefndar bæjarins á að þetta mál yrði skoðað ofan í kjölinn. Hlutafélagið Greið leið ehf. var svo stofnað árið 2003 sem undirbúningsfélag fyrir gerð jarðganga undir Vaðlaheiði og hlutafélagið Vaðlaheiðargöng var síðan sett á stofn árið 2011.
Miklar tafir hafa orðið á því koma verkefninu í höfn. Ekki ætla ég að rekja þá sögu hér, en vil miklu frekar fagna því að loksins skuli landi hafa verið náð með verkefnið, um leið og ég vil þakka öllum þeim fjölmörgu sem komið hafa að málinu í gegnum árin. Og þó svo að alþingismenn hafi greint á um leiðir að settu marki, þá er niðurstaðan fengin. Í öllum meginatriðum hefur verið góð samstaða þingmanna Norðausturkjördæmis um málið og það ber að þakka.
Bættar samgöngur eru óumdeilt einn af grunnþáttunum í því að styrkja byggð í landinu. Allir njóta góðs af, hvort sem það er í atvinnulegu tilliti, á menningarsviðinu eða öðru.
Á það hefur ítrekað verið bent að Vaðlaheiðargöng leysa af hólmi einn af fjölfarnari og erfiðari fjallvegum landsins, Víkurskarð, sem ítrekað lokast yfir vetrarmánuðina vegna óveðurs og fannfergis. Þetta hefur hvað eftir annað komið í ljós í vetur.
Vaðlaheiðargöng eru langþráð og kærkomin samgöngubót. Ef allt gengur að óskum verður göngin fullbúin síðla árs 2016.
Ég vil óska okkur öllum til hamingju með þennan mikla og góða áfanga.
Höfundur er alþingismaður Norðausturkjördæmis.
Nýjast
-
Heilbrigðiskerfið í bakkgír
Velferðarnefnd hefur haft til umfjöllunar nú í vor frumvarp til laga um breytingar á lögum um sjúkratryggingar. Yfirlýst markmið þessa frumvarps er að stytta þann tíma sem tekur að bjóða upp á nauðsynlega heilbrigðisþjónustu og þar með tiltekna meðferð. Á meðal þeirra breytinga sem lagðar eru til er að fest verði í lög ákvæði um greiðsluþátttöku fyrir læknismeðferð erlendis vegna biðtíma hér á landi. -
SAk tryggt fé til kaupa á heilaörvunartæki
Heilbrigðisráðherra hefur tryggt fjármagn sem gerir Sjúkrahúsinu á Akureyri (SAk) kleift að innleiða heilaörvunarmeðferð einstaklinga með meðferðarþrátt þunglyndi. Áætlað er að á upptökusvæði SAk séu um 240 einstaklingar sem gætu nýtt sér slíka meðferð árlega. Rannsóknir sýna að meðferðin skilar miklum árangri, eða um 60-70% í hópi einstaklinga sem þjást af meðferðarþráu þunglyndi en hafa lítið gagn af hefðbundinni meðferð, s.s. lyfjum og hugrænni atferlismeðferð. -
Framsýn og FSH skrifa undir nýjan kjarasamning
Stjórnendur Framsýnar og Framhaldsskólans á Húsavík hafa undanfarið átt í viðræðum um nýjan stofnanasamning fyrir starfsmenn skólans sem starfa eftir kjarasamningi félagsins. Viðræðurnar gengu mjög vel og kláruðust þær í gærmorgun með undirskrift aðila. -
Akureyri Open í frisbígolfi fór fram um helgina
Um helgina fór fram Gull- og Silfurmótið Akureyri Open í boði Sportver. Mótið var haldið af Frisbígolffélagi Akureyrar og fór fram á frisbígolfvellinum við tjaldstæðið á Hömrum. Keppnin stóð yfir í þrjá daga og tóku 83 keppendur þátt víðsvegar að af landinu. Þrátt fyrir að veðrið hafi ekki verið upp á sitt besta létu keppendur það ekki trufla sig og stemningin var frábær alla helgina. -
Hvers vegna öll þessi leynd? - Breytingar á skipulagi forvarnar- og frístundamála
Það var dularfull stemning í aðdraganda þess að ræða átti trúnaðarmál bæði í fræðslu- og lýðheilsuráði og í bæjarráði þann 22. maí sl. Ekki lá fyrir hvað ætti að ræða og engin gögn voru lögð fram fyrir fundinn. Á fundi bæjarráðs var svo tilkynnt að „ákvörðun hefði verið tekin“ um að leggja niður núverandi skipulag forvarna- og frístundamála hjá Akureyrarbæ. Átti að tilkynna starfsfólki breytingarnar síðar sama dag. -
Tveimur ferskum verkum í Pastel ritröð fagnað í Sigurhæðum
Á fimmtudag 12. júní klukkan fimm verður tveimur splunkunýjum verkum eftir tvo frábæra og ólíka listamenn í Pastel ritröð fagnað í Sigurhæðum á Akureyri. -
Hundakvöld á Listasafninu á Akureyri
Fimmtudaginn 12. júní mun Listasafnið á Akureyri bjóða hunda og eigendur þeirra velkomna á sérstakt hundakvöld. Opið verður frá kl. 19 til 22 og ókeypis inn fyrir eigendur í fylgd hunda -
Íbúum fjölgar á Norðurlandi eystra
Samkvæmt tölum úr Þjóðskrá fjölgaði fólki á Norðurlandi eystra frá 1 des. sl. til 1 júni s.l um 157 manns eða um 0,5%. Þetta er sama fjölgun og var á landsvísu á sama tima. -
atNorth ræður tvo nýja stjórnendur
Gagnavers- og ofurtölvufyrirtækið atNorth hefur ráðið Bjarka Björnsson sem forstöðumann fjármögnunar og fjárstýringar og Axel Valdemar Gunnlaugson í starf forstöðumanns upplýsingatækni.
