Þórsarar leika sinn fyrsta heimaleik í Evrópukeppninni í fótbolta
Þór mætir írska liðinu Bohemian FC á Þórsvellinum í kvöld.
Það verður stór stund á Þórsvellinum í kvöld, þegar 1. deildar lið Þórs í knattspyrnu mætir írska úrvalsdeildarliðinu Bohemian FC í forkeppni Evrópudeildar UFEA. Liðin gerðu markalaust jafntefli í fyrri leiknum í Dublin í síðustu viku, í fyrsta Evrópuleik Þórs frá upphafi. Leikurinn í kvöld, sem hefst kl. 18.30, er því fyrsti heimaleikur Þórs í Evrópukeppni og ríkir mikil eftirvænting meðal stuðningsmanna félagsins. Sveinn Elías Jónsson fyrirliði Þórs segir leikurinn í kvöld leggist mjög vel í sig, sem og aðra leikmenn liðsins. Við fórum út með það sem fyrsta markmið að halda markinu hreinu, það gekk eftir, sem gerir það að verkum að þetta getur orðið spennandi leikur hér heima. Við vitum líka betur hversu öflugt lið þetta er en fyrir fyrri leikinn rendum við nokkuð blint í sjóinn. Þetta er samt ekkert sterkara lið en við vorum að spila við í fyrrasumar og á góðum degi eigum við að geta unnið það. En ef við gleymum okkur, er þetta samt lið sem getur verið fljótt að refsa. Þannig að við þurfum allir að eiga toppleik og okkur þarf að ganga betur við markaskorun en í undanförnum leikjum. Þá gæti þetta dottið okkar megin.
Flott stemmning og aðstæður
Aðspurður sagði Sveinn að það hafi verið rosalega skemmtilegt að leiða Þórsliðið til leiks í fyrsta Evrópuleik félagsins, á Írlandi í síðustu viku. Það var virkilega góð stemmning þarna úti og ýmsar reglur í gangi sem við erum ekki vanir. En þetta var samt bara fótbolti sem við vorum að spila og þótt andstæðingurinn tali ekki sama tungumál og við, þá eru þetta bara strákar eins og við. En það var virkilega skemmtilegt að leika þarna á frábærum velli, þar sem var flott stemmning og flottar aðstæður, sagði Sveinn.
Hann vonast eftir góðum stuðningi á heimavelli í kvöld. Ég trúi ekki öðru en að það verði uppselt á völlinn og að við fáum alvöru stuðning. Það er heilmikð í húfi fyrir klúbbinn og það yrði rosalega gaman að komast áfram í næstu umferð. Við erum hvergi bangnir og lítum á þetta sem mikinn bónus og forréttindi að fá að taka þátt í þessari keppni. Þeir eru margir leikmennirnir sem spila í okkar klassa en komast aldrei í Evrópukeppni. Þeir eru líka margir Þórsararnir sem hefðu viljað spilað Evrópuleik fyrir félagið en fengu það ekki en við erum að njóta þeirra forréttinda. Við erum því ekki í þessari keppni bara til að vera með, sagði Sveinn.
Liðið sem kemst áfram úr þessari viðureign mætir tékkneska liðinu Mladá Boleslav í 2. umferðinni 19. og 26. júlí.
Nýjast
-
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann. -
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku. -
Framkvæmdir að hefjast við nýtt svæði á Torfunefsbryggju Samið um fyrstu bygginguna
Samningur milli HN og verktakafyrirtækisins Húsheildar/Hyrnu um byggingu fyrsta hússins á Torfunefssvæðinu hefur verið undirritaður og markar ákveðin skref í uppbyggingu svæðisins. -
Hinsegin hátíð á Norðurlandi eystra
Hinsegin hátíð á Norðurlandi eystra verður haldin í fyrsta skiptið dagana 18.–22. júní 2025. Öll sveitarfélög á Norðurlandi eystra standa að hátíðinni og stefnt er að því að viðburðir fari fram sem víðast í öllum landshlutanum. -
Magnaði Mendelssohn
Felix Mendelssohn (Bartholdy) er talinn hafa verð einn mesti tónsnillingur allra tíma. Undrabarn sem á sinni stuttu 38 ára æfi samdi eina fallegustu tónlist veraldar. Jafnvel önnur tónskáld kölluð hann "hinn nýja Bach" m.a. Liszt, Schumann og Berlioz. -
Glæsileg A-álma tekin í notkun í Glerárskóla
Ný og endurbætt A-álma hefur verið tekin í notkun í Glerárskóla. Gestum bauðst að líta á þær heilmiklu breytingar sem gerðar hafa verið á álmunni, en húsnæðið hefur verið endurnýjað á þann hátt að miklar breytingar hafa verið gerðar á vinnuumhverfi nemenda og starfsfólks. -
Fiskur frá smábátum dregur úr afköstum landvinnslunnar og bónusar starfsfólks lækka
Afköst í fiskvinnsluhúsum Samherja dragast verulega saman þegar keyptur er afli af strandveiðibátum til vinnslu. Starfsmaður sem hefur unnið í tæpa fimm áratugi hjá Útgerðarfélagi Akureyringa segir sláandi mun á gæðum hráefnis frá smábátum og togurum sem veiða á djúpslóð. Bónusar fiskvinnslufólks lækka þegar unninn er afli frá smábátum því mun tímafrekara er að verka fiskinn. -
Af slúbbertum og svörtum sauðum
Vísir birti nýlega frétt um nýútkomna skýrslu Viðskiptaráðs þar sem fjallað er um uppsagnarvernd opinberra starfsmanna. Sá sem fréttina ritar kýs að reyna að fá fleiri „smelli“ með því að leggja skýrsluhöfundi orð í munn eins og að kalla opinbera starfsmenn „slúbberta“.
