Þór skoraði sex mörk á Þórsvelli-Hrakfarir KA halda áfram

11. júlí, 2010 - 15:44 Fréttir
Þór skoraði sex mörk á Þórsvelli-Hrakfarir KA halda áfram
Tveir leikir fóru fram á Íslandsmótinu í 1. deild karla í knattspyrnu í dag. Á Þórsvelli héldu heimamenn í Þór sigurgöngu sinni áfram er þeir lögðu HK 6:3 að velli. Ármann Pétur Ævarsson og Aleksandar Linta skoruðu tvívegis fyrir Þór í leiknum og Sigurður Marínó Kristjánsson eitt mark en eitt markanna var sjálfsmark HK. Mörk HK- manna skoruðu Hörður Árnason, Jónas Grani Garðarson og Hólmbert Aron Friðjónsson. Á sama tíma tapaði KA gegn Víkingi R. 0:2 á Víkingsvelli, þar sem Helgi Sigurðsson skoraði bæði mörk heimamanna. Hrakfarir KA í deildinni halda því áfram og er liðið í næstneðsta sæti deildarinnar með níu stig en Þór er komið með 21 stig í þriðja sætinu.  

Leikurinn á Þórsvelli hófst með látum. Fyrsta markið kom strax á fyrstu mínútunni en það var einkar klunnalegt sjálfsmark markvarðar HK- manna, Ögmundar Ólafssonar. Aleksandar Linta kom Þór í 2:0 á 5. mínútu með marki úr vítaspyrnu og staðan vænleg fyrir heimamenn. Hörður Árnason minnkaði muninn fyrir HK með stórglæsilegu marki á 33. mínútu er hann skoraði með þrumufleyg fyrir utan vítateig, algjörlega óverjandi fyrir Björn Hákon Sveinsson í marki Þórs. Ármann Pétur Ævarsson jók forystu Þórs í tvö mörk á ný er hann skoraði þriðja mark liðsins á lokamínútu fyrri hálfleiks. Staðan í hálfleik 3:1 heimamönnum í vil. 

Jónas Grani Garðarsson minnkaði muninn fyrir HK í 3:2 á 56. mínútu með marki af stuttu færi inn í teig. Tíu mínútum síðar skoraði Ármann Pétur sitt annað mark í leiknum og fjórða mark Þórs og heimamenn aftur komnir með tveggja marka forystu. Mörkin héldu áfram að rigna inn á Þórsvelli og Hólmbert Aron Friðjónsson skoraði þriðja mark HK eftir flotta skyndisókn tólf mínútum fyrir leikslok, en Þórsarar höfðu á þessum tímapunkti verið mun sterkari aðilinn. Staðan 4:3 og HK- menn vel inn í leiknum. Sveinn Elías Jónsson var nálægt því að skora fimmta mark Þórs skömmu síðar er hann fékk frítt skotinn í teig eftir góðan undirbúning frá Gísla Páli Helgasyni en Ögmundur gerði vel í marki HK með að verja.

Þórsarar gerðu svo út um leikinn á tveggja mínútna kafla undir lok leiksins með tveimur mörkum. Sigurður Marinó Kristjánsson skoraði af harðfylgi á 89. mínútu og Aleksandar Linta skoraði úr sínu öðru víti í leiknum skömmu síðar. Lokataölur á Þórsvelli, 6:3 sigur Þórs.

Til baka

Nýjast

  • Gamla verslunin í Vaglaskógi jöfnuð við jörðu

    • 17.05.2025
    „Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“

  • Hamrastígur og Kirkjugarðsstígur Finnur ehf bauð lægst í stígagerðina

    • 17.05.2025
    Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.

  • Alþjóðaflugvöllur á Akureyri verði byggður upp

    • 16.05.2025
    Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands

  • Grafalvarleg staða í rekstri PCC Bakka rædd í atvinnuveganefnd Alþingis.

    • 16.05.2025
    Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn.

  • Listasafnið á Akureyri Nýjar sýningar opnaðar

    • 16.05.2025
    Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45.

  • Orkey fyrst á Íslandi með sjálfbærni- vottaða framleiðslu á lífeldsneyti

    • 16.05.2025
    Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.

  • Heyrn er ekki munaður – hún er þátttaka

    • 16.05.2025
    Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu.

  • Sundlaug Akureyrar lokuð 18.-22. maí – opið lengur í Glerárlaug 18. maí

    • 15.05.2025
    Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku.

  • Byggingaréttur á lóðum á Torfunefsbryggju boðin út í maí

    • 15.05.2025
    Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.  
Sjá meira