Þór lagði KA í grannaslagnum
Þór lagði KA 3-1 í nágrannaslag liðanna á Akureyrarvelli í kvöld. Þórsarar hófu leikinn af miklum krafti og fengu vítaspyrnu strax á 10. mínútu. Hreinn Hringsson fór á punktinn en vítabaninn Sandor Matus í markinu sá við honum. Fyrsta mark leiksins kom á 18. mínútu og var það Andri Júlíusson sem skoraði það eftir fyrirgjöf frá Dean Martin sem hafði áður gabbað Alexandar Linta hreinlega upp úr skónum.
Markið kom nokkuð gegn gangi leiksins því Þórsarar voru ívið sterkari aðilinn í fyrri hálfleik.Í síðari hálfleik snérist dæmið við, nú voru það KA menn sem voru sterkari aðilinn og voru oft skeinuhættir framá við.
Á 80. mínútu hófst hins vegar ótrúlegur leikkafli, Ibra Jagne jafnaði þá leikinn fyrir Þór með skoti af stuttu færi eftir glæsilegan undirbúning Sigurðar M. Kristjánssonar. Einungis tveimur mínútum skoraði Gísli Páll Helgason og kom Þór í 2-1 eftir frábæra sókn sem endaði á að Atli Sigurjónsson sendi innfyrir á Gísla sem kláraði færið mjög vel.
Á 84. mínútu gerðist svo umdeilt atvik, þar áttust við Hreinn Hringson og Elmar Dan Sigþórsson og lauk viðskiptum þeirra með því að Elmar hrinti Hreini innan teigs, Elmar uppskar rauða spjaldið og einnig var dæmt víti. Úr vítinu skoraði Alexandar Linta sannfærandi og Þórsarar skyndilega komnir í 3-1 á fimm mínútna kafla.
Fátt markvert gerðist næstu mínútur eða þar til að Andri Júlíusson tæklaði leikmann Þórs háskalega og fékk hann að líta rauða spjaldið, KA menn því orðnir tveimur færri.
Eftir þetta atvik fjaraði leikurinn hægt og rólega út og endaði hann með sigri Þórs 3-1.
Nýjast
-
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna. -
Málefni verksmiðju PCC á Bakka - Óskað eftir fundi í atvinnuveganefnd Alþingis
,,Ég óskaði eftir því fyrir helgi við formann atvinnuveganefndar að forsvarsmenn sveitarfélagsins Norðurþings, PCC á Bakka og Samtökum iðnaðarins færu yfir stöðuna með okkur í atvinnuveganefnd þingsins sem allra fyrst."