Þokkalegar horfur fyrir veturinn
Akureyrarbær. Mynd: Hörður Geirsson.
Atvinnuleysi á Norðurlandi eystra mældist 3,1 prósent í síðasta mánuði og er það einu prósenti minna en á sama tíma í fyrra. Alls eru 482 á atvinnuleysisskrá á svæðinu, þar af 189 karlar en 293 konur. Sé Akureyri bara skoðað eru 358 atvinnulausir, 136 karlar og 222 konur. Það sem útskýrir einna helsta þennan kynjamun er að yfir sumartímann fara karlar í útivinnu í meira mæli. Sigríður Ásta Hauksdóttir, náms-og starfsráðgjafi hjá Vinnumálastofnun, segir útlitið þokkalegt fyrir komandi vetur.
Við erum nokkuð bjartsýn en kvíðin í senn. Það var mjög ánægjulegt að fá þessar tölur yfir júlí og að það muni heilu prósenti á milli ára. Það fóru margir af atvinnuleysisskrá í vor vegna átaksverkefnisins Vinnandi vegur sem var í gangi hjá okkur frá febrúar til júní, en við vitum ekki alveg hvað koma margir inn aftur. En heilt yfir förum nokkuð brött inn í haustið, segir Sigríður.
Á landinu öllu mældist atvinnuleysi 4,7 prósent í júlí og hefur ekki verið minna síðan í nóvember 2008 þegar það var 3,3%. Einnig kemur fram í skýrslu hjá Vinnumálastofnun að tæpur helmingur atvinnulausra á landinu öllu er með grunnskólapróf en næststærsti hópurinn eru háskólamenntaðir, eða 20 prósent. Þá er atvinnuleysi minna í hópi þeirra sem eru með iðnmenntun, stúdentspróf eða aðra framhaldsmenntun. Meðalfjöldi atvinnulausra í júlí var 8.372 eða rúmlega 3.000 færri en fyrir ári þegar 11.423 voru án atvinnu. Tæplega 40 prósent atvinnulausra hafa verið án vinnu í ár eða meira.
Nýjast
-
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann. -
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku. -
Framkvæmdir að hefjast við nýtt svæði á Torfunefsbryggju Samið um fyrstu bygginguna
Samningur milli HN og verktakafyrirtækisins Húsheildar/Hyrnu um byggingu fyrsta hússins á Torfunefssvæðinu hefur verið undirritaður og markar ákveðin skref í uppbyggingu svæðisins.
