Þjónustu og ráðgjafasetrið Virkið grípur ungmenni sem falla milli kerfa
Helga Bergrún Sigurbjörnsdóttir og Orri Stefánsson starfa hjá Virkinu Mynd Virkið
„Við finnum fyrir því eftir heimsfaraldurinn, að æ fleiri þurfa á stuðningi að halda til að komast af stað út í lífið á ný og á það bæði við um þá sem leita að atvinnu og eða námi. Andleg heilsa er vaxandi vandamál í samfélaginu er því mikilvægt að bregðast við með markvissum hætti og sterku stuðningsneti. Það er okkar hlutverk að styðja þau og aðstoða við að finna réttar leiðir og lausnir að því markmiðið að verða virkir þátttakendur í þjóðfélaginu á nýjan leik,“ segja þau Orri Stefánsson og Helga Bergrún Sigurbjörnsdóttir sem starfa hjá Virkinu á Akureyri.
Virkið er þjónustu- og ráðgjafasetur sem hefur það meginmarkmið að grípa ungmenni sem falla milli kerfa og veita þeim heildstæða þjónustu. Boðið er upp á einstaklingamiðaða ráðgjöf sem miðar að því að bæta líðan og efla virkni ungmenna í samfélaginu, en horft er til aldurshópsins 16 til 30 ára. „Við veitum þeim sem á þurfa að halda samfellda þjónustu m.a. vegna atvinnuleitar, skólagöngu, endurhæfingar eða annarrar meðferðar,“ segja þau Helga Bergrún og Orri.
Bæta þjónustu við fólk á krossgötum
Virkið er samstarfavettvangur með þátttöku fjórtán aðila á Akureyri og Eyjafjarðarsvæðinu. „Það má segja að Virkið sé eins konar þjónustuborð fyrir Eyjafjarðarsvæðið með hagsmuni þessa aldurshóps að leiðarljósi. Okkar markmið er að bæta þjónustu við ungt fólk sem er á krossgötum í lífinu sínu m.a. með því að auðvelda þeim aðgengi að þjónustu, veita snemmtæka íhlutun, minnka líkur á að fólk falli á milli kerfa, samþætta þjónustu og úrræði og að auðvelda tilvísunaraðilum að koma málum í réttan farveg og búa til úrræði sem kemur fólki í virkni,“ segja þau.
Margt er í boði hjá Virkinu. Opnir tímar eru frá mánudegi til fimmtudags eftir hádegi þar sem í boði er aðstoð við gerð ferilsskrár og umsóknir um nám og annað slíkt. Einnig er í boði sérfræðiþjónusta, þar sem félagsráðgjafar koma og bjóða upp á viðtöl en líka er hægt að fá leiðbeiningar og stuðning við verkefni sem tengjast Erasmus styrkjaáætlun ESB fyrir mennta-, æskulýðs,- og íþróttamál.
Styrkja fólk í atvinnuleit
„Við höfum boðið upp á 6 vikna námskeið með fjölbreyttri dagskrá þar sem áhersla er lögð á fyrirlestra og stutt námskeið sem styrkir fólk í atvinnuleit og eykur tækifæri þess úti á vinnumarkaði. Við munum einnig kynna fyrirtæki og ýmis konar stofnanir sem opna möguleika á menntun og þekkingu. Á þeim námskeiðum sem við erum með á vorönn er lokamarkmiðið að þátttakendur komist í sumarstörf í framhaldi af námskeiðinu. Við einbeitum okkur að því að finna störf sem hentar hverjum og einum,“ segja þau Orri og Helga Bergrún.
Stærsti hluti þátttakanda í Virkinu eru einstaklingar sem þegið hafa þjónustu hjá Vinnumálastofnun og Velferðarsviði Akureyrarbæjar, en einnig hefur verið gott samstarf við Fjölmiðjuna á Akureyri. „Við höfum líka fengið til okkar ungmenni sem hafa hætt námi og eru að leita eftir aðstoð við næstu skref í lífinu,“ segja þau.
Nýjast
-
„Sjávarútvegurinn er á undan stjórnvöldum í innleiðingu umhverfisvænnar tækni“
Hákon Þröstur Guðmundsson útgerðarstjóri Samherja var endurkjörinn í stjórn Samtaka fyrirtækja í sjávarútvegi ( SFS) á ársfundi samtakanna sem haldinn var 3. mai s.l. Hákon Þröstur þekkir vel til starfsemi SFS, var í stjórn 2019 – 2020 og samfellt frá 2022. Hann er menntaður skipstjórnarmaður og var í liðlega tvo áratugi skipstjóri á skipum Samherja, síðustu sautján árin hefur hann hins vegar starfað á útgerðarsviði félagsins. -
Þjónustunefnd AA leitar að framtíðarhúsnæði
Brýnt er að ráðast í gagngerar endurbætur á húsinu að Strandgötu 21 þar sem AA-samtökin á Akureyri hafa haft aðstöðu sína um langt árabil. -
Hitaveitur þarfnast athygli
Norðurorka rekur hitaveitu í Ólafsfirði og Reykjaveitu í Fnjóskadal auk hitaveitu á Akureyri og nágrannabyggðum. Þær veitur þarfnast athygli að því er fram kom í máli Eyþórs Björnsson forstjóra Norðurorku á aðalfundi félagsins. -
Hængsmenn afhentu bíl og héldu Hængsmót
Lionsklúbburinn Hængur á Akureyri hélt um liðna helgi árlegt Hængsmót fyrir fatlaða í 41. Skipti. Mótið fór fram í Íþróttahöllinni og í ár var keppt í boccia en mótið var auk þess Íslandsmót í greininni. -
Sýning ársins 2024 opnuð á Sigurhæðum
Á mæðradaginn, sunnudaginn 12. maí klukkan 13 opnar Sýning ársins 2024 í Menningarhúsi í Sigurhæðum á Akureyri. Lilja Alfreðsdóttir, menningar- og viðskiptaráðherra, flytur ávarp á opnuninni. Húsið verður opið til klukkan 17 þennan sunnudag og það verður líka hægt að líta inn á vinnustofur listafólks, hönnuða og hugsuða á annarri hæð Sigurhæða. -
Vátryggingafélag Íslands (Skagi) kaupir Íslensk verðbréf
Vátryggingafélag Íslands hf. (Skagi) hefur undirritað kaupsamning við hluthafa Íslenskra verðbréfa hf. (ÍV) um kaup Skaga á 97,07% hlutafjár í félaginu. Horft er til þess að í kjölfarið verði farið í kaup hlutafjár annarra hluthafa þannig að Skagi verði einn eigandi alls hlutafjár í Íslenskum verðbréfum. Kaupverð 97,07% hlutafjár í Íslenskum verðbréfum er 1.598 milljónir króna. Gert er ráð fyrir að kaupverðið verði greitt með reiðufé, en Skagi hefur val um að greiða allt að fjórðungi kaupverðsins með afhendingu nýs hlutafjár í Skaga. Fyrirtækjaráðgjöf og sérhæfðar fjárfestingar eru undanskilin í kaupunum. Jóhann M. Ólafsson, forstjóri ÍV, hefur stigið til hliðar og Jón Helgi Pétursson, framkvæmdastjóri ÍV sjóða, hefur tekið tímabundið við sem forstjóri félagsins. -
Amtsbókasafnið - Býður garðverkfæri í útlán
Áður hefur verið haft á orði á þessum vef að starfsfólkið á Amtinu hér í bæ sé skemmtilega ferskt og fái líflegar hugmyndir sem notendur safnsins kunna vel að meta. Í frétt frá þeim í dag er sagt frá að nú sé hægt að fá garðverkfæri, takk fyrir takk, að láni hjá Amtsbókasafninu! Kæru safngestir! NÝJUNG! - Við erum farin að bjóða upp á garðverkfæri til útláns! Það er farið að vora á Akureyri og kominn tími til að byrja vorverkin. Frá og með deginum í dag eru garðverkfæri til útláns hjá okkur, lánstími er 7 dagar. Verkfæri sem eru í boði: handskófla, lítil klóra, stungugaffall, stunguskófla, kantskeri, handklippur, greinaklippur, fata, beðhrífa, fíflajárn, greinasög og garðáhöld fyrir börn. Vinsamlegast þrifið verkfærin vel áður en þið skilið. -
Dýrahræ fundust á víðavangi við Línuveg á Húsavík
Steingrímur Hallur Lund rak í rogastans á dögunum þegar hann var úti að viðra hundinn sinn úti á Bakka við Línuveg í landi Húsavíkur. Hann var ekki komin langt frá veginum þegar hann gekk fram á dauða rollu, sem búið var að klippa af eyrun. Skammt undan gekk hann svo fram á fimm selshræ. -
Krían komin til Grímseyjar
Fyrstu kríurnar þetta árið í Grímsey sáust um helgina. Varpið þar er með stærri kríubyggðum á landinu og er talið að þar verpi þúsundir para. Litlar rannsóknir hafa verið gerðar á breytingum kríuvarpa frá ári til árs en margt bendir til fækkunar víða á landinu frá því um aldamót, einnig hefur orðið vart við sömu þróun í nágrannalöndum okkar.
Athugasemdir