Þetta er mikil áhorfendasýning
Í uppfærslu LA koma fram margir af bestu söngvurum og leikurum landsins ásamt mögnuðum Geimverukór og Rocky Horror-bandinu. Jón Gunnar Þórðarson, leikstjóri, segir að þetta verk sé rokkaðsti söngleikur í heimi. “Þetta er cult verk sem margir halda uppá, bæði gamla verkið og bíómyndina frá árinu 1975. Þetta er súrrealískt verk með skemmtilegum karakterum sem halda verkinu uppi. Maður getur lofað miklu fjöri út í gegn en í verkinu er leikur, söngur og dans, sprengingar, flug og mikill hraði, þannig að þetta verk hefur allt.
Áhorfendur mega taka þátt
Jón Gunnar segir að æfingar hafi gengið vel og nú sé verið að slípa hlutina og læra á húsið. “Það er alveg kominn tími til fyrir hópinn að fá að sýna þetta verk, enda er þetta mikil áhorfendasýning. Það eiga allir að skemmta sér vel á Rocky Horror, áhorfendur mega klappa með í lögunum, blístra og kalla og mæta í korseletti ef þeir vilja. Slíkt þekkist vel á sýningum erlendis og það er líka í boði hér.”Jón Gunnar segir að nú þegar sé búið að slá aðsóknarmetið í forsölu, met sem var sett þegar verkið Fló á skinni var sett upp. Fyrir frumsýningu, er orðið uppselt á 10 sýningar, sem þýðir að seldir hafa verið yfir 5.000 miðar. Það er því greinilega mikill áhugi fyrir sýningunni. “Kjörorð sýningarinnar er; Dreymdu ekki – vertu, sem er setning sem Frank N. Further notar í sýningunni og allir endurtaka. Það er boðskapur sýningarinnar, að láta drauma sína rætast. Og Leikfélag Akureyrar er í raun lítið leikhús en með stórt hjarta og það sést vel á þessari sýningu,” segir Jón Gunnar.
Með helstu hlutverk í sýningunni fara: Frank N. Furter: Magnús Jónsson, Riff Raff: Eyþór Ingi
Gunnlaugsson, Magenta: Bryndís Ásmundsdóttir, Kolumbía: Andrea Gylfadóttir, Brad: Atli
Þór Albertsson, Janet: Jana María Guðmundsdóttir, sögumaður og Dr. Scott: Guðmundur
Ólafsson, Rocky: Hjalti Rúnar Jónsson,
Eddie: Matthías Matthíasson. Hljómsveitina skipa: Hallgrímur J. Ingvarsson, Halldór Gunnlaugur Hauksson, Stefán Daði
Ingólfsson og Árni Heiðar Karlsson.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.