Sveinbjörn hetja Akureyrar í kvöld gegn HK
Sveinbjörn Pétursson var hetja Akureyrar í kvöld sem lagði HK að velli, 32:31, í mögnuðum handboltaleik í Íþróttahöll Akureyrar í N1-deild karla í handbolta. HK-menn áttu síðustu sóknina í leiknum og hefðu getað jafnað metin í 32:32. Þegar fjórar sekúndur voru eftir fengu gestirnir aukakast, boltinn barst til Daníels Bergs Grétarssonar sem hefði getað stolið öðru stiginu fyrir Kópavogsbúa
Vörn Akureyrar varði hins vegar og Sveinbjörn í kjölfarið og allt ætlaði hreinlega um koll að keyra í Íþróttahöllinni og fögnuður heimamanna gríðarlegur í leikslok.
Það var mögnuð stemmning í Höllinni í kvöld en áhorfendur voru alls 1250 talsins. Jafnt var á tölum á upphafsmínútunum allt fram að stöðunni 3:3. Akureyri náði þá þriggja marka forystu, 6:3, og komst í 10:6 eftir tíu mínútna leik. HK-menn tóku leikhlé og náðu að minnka muninn niður í eitt mark, 13:12. Þá kom góður kafli hjá norðanmönnum sem skoruðu fimm mörk á móti tveimur frá HK og höfðu fjögurra marka forystu í hálfleik, 18:14.
Akureyri náði fimm marka forystu, 19:14, í upphafi seinni hálfleiks. Norðanmenn náðu ekki að hrista spræka HK-menn af sér sem náðu að jafna í 25:25 um miðjan hálfleikinn og komust svo marki yfir, 26:25, í fyrsta skiptið í leiknum. HK náði svo tveggja marka forystu, 27:29, og virtist sem lukkan væri að fara snúast Kópavogsbúum í hag. Bjarki Már Elísson var illviðráðanlegur í sókn HK en hann skoraði alls 12 mörk í leiknum.
Akureyringar voru þó ekki á því að fara tapa fyrsta leiknum í vetur á heimavelli fyrir troðfullri Höllinni og jöfnuðu í 31:31 og andrúmsloftið gjörsamlega rafmagnað. Heimamenn fengu víti þegar tvær mínútur voru eftir og Bjarni Fritzson fór svellkaldur á vítapunktinn og skoraði og Akureyri marki yfir.
Sveinbjörn Pétursson var svo hetja Akureyringa í kvöld er hann varði vel í tvígang í restina, fyrst frá Ólafi Bjarki Ragnarssyni þegar mínúta var eftir og svo frá Daníel Berg Grétarssyni á síðustu sekúndu leiksins.Akureyri fagnaði því sigri við mikinn fögnuð áhorfenda sem hlupu inn á völlinn og fögnuðu með leikmönnunum.
Akureyri er því enn ósigrað með fullt hús stiga í deildinni en liðið hefur fjögurra stiga forystu á toppnum með 16 stig. HK hefur 12 stig í öðru sæti.
Mörk Akureyrar: Heimir Örn Árnason 8, Bjarni Fritzson 7 (3 úr víti), Guðmundur Hólmar Helgason 6, Oddur Gretarsson 4, Geir Guðmundsson 3, Guðlaugur Arnarsson 2, Hörður Fannar Sigþórsson 2.
Varin skot: Sveinbjörn Pétursson 17, Stefán Guðnason 3.
Mörk HK: Bjarki Már Elíasson 12 (2 úr víti), Atli Ævar Ingólfsson 9, Daníel Berg Grétarsson 4, Ólafur Bjarki Ragnarsson 3, Hörður Másson 2, Hákon Hermansson Bridde. 1
Varin skot: Björn Ingi Friðþjófsson 11.
Nýjast
-
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu.