Stórefla íþróttir í skólum og stutt betur við afreksfólk
Ný stefna Akureyrarbæjar og ÍBA í íþróttamálum til ársins 2022 var samþykkt í bæjarstjórn í byrjun febrúar. Stefnan byggir á framtíðarsýn í íþróttamálum Akureyringa þar sem áhersla er lögð á almenningsíþróttir, lýðheilsumál, samvinnu íþróttafélaga, íþróttaaðstöðu, afreksstarf, samspil íþrótta og skóla og íþróttir og ferðaþjónustu.
Meðal annars á að stórefla íþróttir í skólum bæjarins en lítið formlegt samstarf hefur verið á milli íþróttafélaga á Akureyri og skólasamfélagsins. Efla og auka á áskoranir í íþróttakennslu og leikfimi í skólum, hrint verði í framkvæmd áformum um íþróttaskóla barna þannig að börn í yngri aldurshópum geti kynnst fjölbreyttum tegundum íþrótta í framhaldi af og í tengslum við skólatíma. Byggðar verði hreystibrautir við alla grunnskóla á Akureyri og sett verði á laggirnar tilraunaverkefni um íþróttagrunnskóla þar sem sérstök áhersla er lögð á íþróttir og heilsu. Þá eiga allir grunnskólanemendur að fá a.m.k. eina klst. á dag í íþróttum, hreyfingu eða annarri heilsueflingu á skólatíma.
Fleiri fullorðnir meta heilsu sína slæma
Þá á að gera á iðkun íþrótta að sjálfsögðum lífsstíl bæjarbúa og stuðla þannig að bættum lífsgæðum þeirra. Samkvæmt lýðheilsuvísum embættis landslæknis fyrir Akureyri eru hlutfallslega fleiri fullorðnir sem meta líkamlega heilsu sína slæma. Einnig er lægra hlutfall barna í 8.–10. bekk með hæstu gildi á vellíðanarkvarða og hlutfallslega fleiri fullorðnir eru með hæstu gildi á streitukvarða, segir í skýrslunni. Meðal aðgerða mun Akureyrarbær hvetja íbúa til að nýta sér göngu- og hjólreiðastíga í stað vélknúinna ökutækja, fjölgað verði valkostum utandyra til íþróttaiðkunar fyrir almenning og hvatt verður til þess að teknir verði upp samræmdar heilsufarsmælingar á vinnustöðum á Akureyri.
Færri en öflugri félög
Aðildarfélög ÍBA á árinu 2017 voru samtals 23 sem buðu upp á 49 íþróttagreinar. Þetta þýðir að mörg félög eru með litla umgjörð, oft tiltölulega fáir iðkendur og skortur á stöðugleika í stjórnunarskipulagi. Í nýrri stefnu er lagt upp með að starfrækt verði færri, stærri og faglegri fjölgreinafélög í framtíðinni. Hver íþrótt sé aðeins æfð í einu félagi fyrir utan handknattleik og knattspyrnu. Aðildarfélögum ÍBA verður ekki fjölgað á komandi árum og nýjum félögum um íþróttastarfsemi verði beint inn í önnur aðildarfélög sem deildir.
Skapa afreksfólki svigrúm
Þá á einnig að styðja betur við afreksfólk í íþróttum. Akureyri hefur í gegnum tíðina alið upp fjölmarga afreksmenn á vettvangi íþrótta. Skapa á afreksíþróttafólki í bænum svigrúm og umgjörð til að ná eins langt í sinni íþrótt eins og kostur er. ÍBA mun skilgreina árlega afrekshóp Akureyrar og að afreksíþróttamenn í framhaldsskóla eigi möguleika á sumarvinnu hjá Akureyrarkaupstað sem gerir þeim kleift að æfa íþrótt sína í samræmi við æfingaáætlanir.
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir