Stofnfjáreigendur í Sparisjóði Svarfdæla leita réttar síns
Stofnfjáreigendur Sparisjóðs Svarfdæla eru 150 talsins, 90 í Svarfaðardal og á Dalvík, 30 á Árskógsströnd og 30 í Hrísey. Af þeim eru um eitt hundrað félagar í Samtökum stofnfjáreigenda. Í árslok 2007 var ákveðið að tillögu stjórnar á almennum félagsfundi að hækka stofnfé sjóðsins um 500 milljónir króna áður en honum yrði breytt í hlutafélag. Stofnfjáreigendur lögðu í því skyni aukið stofnfé til sjóðsins og var hlutur hvers og eins að jafnaði um 3,7 milljónir króna sem yrði síðan hlutur viðkomandi í nýju hlutafélagi og frjáls til ráðstöfunar eins og hvert annað hlutafé. Einhverjir áttu í handraðanum fyrir sínum hlut en en flestir tóku lán hjá Saga Capital (nú Saga Fjárfestingarbanki) til að fjármagna stofnfjáraukninguna og voru þau lán að stórum hluta í erlendri mynt.
Stofnun hlutafélags var frestað vegna breytts efnahagsástands og þegar fjármálakerfið hrundi í september 2008 sátu stofnfjáreigendur uppi með stökkbreytt lán sem síðan hafa farið hækkandi. Sparisjóður Svarfdæla kom aftur á móti laskaður undan hruni sem leiddi til þess að í sumar var ákveðið á félagsfundi að eignarhlutur stofnfjáreigenda yrði færður niður í 10% en ríkið tæki yfir 90%. Hversu hár hlutur hvers stofnfjáreigenda er nú í krónum talið er ekki ljóst en klárlega er hann sáralítill. Höfuðstóll hvers einstaks láns sem var 3,7 milljónir kóna við lántöku er nú um 8 milljónir króna. Það þýðir að heildarskuldir rúmlega 100 stofnfjáreigenda eru nú á bilinu 700-800 milljónir króna. Dómur Hæstaréttar varðandi gengistryggð lán mun væntanlega lækka þessa tölu nokkuð, jafnvel niður í 5 milljónir króna. Þetta kemur fram í blaðinu Norðurslóð.
Nýjast
-
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu.