Stefnt að því að stækka verk- smiðju Becromal í framtíðinni
Hann segir að unnið hafi verið í fjárfestingar- og rekstraráætlun sem miði við stækkun um 30-50% á árunum 2013-2016, en að þær áætlanir hafi ekki verið ræddar við, né samþykktar af hluthöfum. "Pólítískur óstöðugleiki og yfirvofandi óvissa um skattlagningu á iðnað og orkunotendur er ekki hvati til ákvarðanatöku og frekari fjárfestinga á Íslandi eins og er. Becromal Iceland á í viðræðum við Landsnet og orkuframleiðendur vegna hugsanlegrar stækkunar."
Í verksmiðju Becromal í Krossanesi eru 40 vélar af 60 nú komnar í gang. Af þessum 40 vélum eru 12 vélar sem voru fluttar notaðar frá Noregi og breytt. Þar af var 10 breytt á Ítalíu og tveimur var breytt hjá Slippnum Akureyri undir stjórn Becromal Iceland, að sögn Gauta. "Þessar 60 vélar verða ekki allar komnar í gang fyrr en í fyrsta lagi í mars á næsta ári, samkvæmt þeirri áætlun sem nú liggur fyrir. Eins og er, þá eru 6 vélar í uppsetningu og 46 vélar eru því komnar í hús. Þær vélar sem settar hafa verið upp undanfarið (síðustu 26 vélar) og þær sem á eftir að setja upp, koma allar frá verksmiðju Becromal Norway í Notodden, en sú verksmiðja verður lögð niður vegna hás kostnaðar þar, einkum orkuverðs."
Starfsmannafjöldi Becromal Iceland er nú kominn yfir 100. Að auki eru á bilinu 50-60 starfsmenn frá verktökum að vinna við uppsetningu véla og við aðrar framkvæmdir. Framleiðslan hófst sl. haust og hefur vélum fjölgað jafnt og þétt frá þeim tíma. "Við höfum framleitt yfir 100.000m² á viku og eigum að geta framleitt allt að 120.000m² við bestu aðstæður með 40 vélum," segir Gauti.
Heildarkostnaður við þá uppbyggingu sem nú er í gangi í Krossanesi er áætlaður um 10 milljarðar króna en ráðgert er að ársvelta fyrirtækisins verði um 14 milljarðar króna á ári, eða rúmur einn milljarður á mánuði. Húsnæðið sem fyrirtækið hefur yfir að ráða er samtals rúmlega 11.000 fermetrar. Þar af er verksmiðjan í um 6.000 fermetra húsnæði en annað húsnæði er undir spenna, hjálparbúnað, varmaskipta, pökkun, verkstæði, lager, rannsóknarstofu og skrifstofu.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.