Stefnir í góða þátttöku á sjómannahátíðinni
Kvöldverður og dansleikur verður á Oddvitanum við Strandgötu.
Sjómannahátíðin á Akureyri nýtur sífellt meiri vinsælda og stefnir í að þátttaka nú í ár verði góð líkt og undanfarin sumur, en hún verður um næstu helgi, dagana 20. og 21. júlí. Sjómannahátíðin verður nú haldin í þriðja sinn og dregur hún að sér m.a. sjómenn sem komnir eru af léttasta skeiði og muna tímana tvenna. Sæmundur Pálsson fyrrverandi togarajaxl er frumkvöðull að hátíinni og segir hann að gestir komi víða að, m.a. ætlar gamall jaxl að leggja leið sína frá Englandi þar sem hann er búsettur gagngert til að skemmta sér með gömlum félögum. Hátíðin er farin að spyrjast vel út og m.a. út fyrir landsteinana og það er frábært, segir Sæmundur. Þetta siglir allt saman í að verða grand.
Kvöldverður og dansleikur verður á Oddvitanum við Strandgötu. Raggi Bjarna og Helena Eyjólfs skemmta gestum með söng sínum, en veislustjóri er Valgeir Guðmjónsson. Sjómannafélag Eyjafjarðar heiðrar sjómenn við þetta tækifæri. Að lokum eru það gömlu brýnin Gylfi Ægisson, Megas og Rúnar Þór sem leika fyrir dansi. Daginn eftir verður haldið í sjómannamessu á Siglufirði. Að henni lokinni verður afhent líkan af Elliða SI 1, einum af nýsköpunartogurum landsmanna sem fórst 10. febrúar 1962 og með honum tveir menn. Boðið verður upp á kaffihlaðborð og fylgst með síldarsöltun á Síldarminjasafninu. Komið verður við í Bruggverksmiðju Kalda í bakaleiðinni og þeir sem kjósa geta siglt með Húna frá Árskógssandi til Akureyrar.
Nýjast
-
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann. -
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku. -
Framkvæmdir að hefjast við nýtt svæði á Torfunefsbryggju Samið um fyrstu bygginguna
Samningur milli HN og verktakafyrirtækisins Húsheildar/Hyrnu um byggingu fyrsta hússins á Torfunefssvæðinu hefur verið undirritaður og markar ákveðin skref í uppbyggingu svæðisins. -
Hinsegin hátíð á Norðurlandi eystra
Hinsegin hátíð á Norðurlandi eystra verður haldin í fyrsta skiptið dagana 18.–22. júní 2025. Öll sveitarfélög á Norðurlandi eystra standa að hátíðinni og stefnt er að því að viðburðir fari fram sem víðast í öllum landshlutanum. -
Magnaði Mendelssohn
Felix Mendelssohn (Bartholdy) er talinn hafa verð einn mesti tónsnillingur allra tíma. Undrabarn sem á sinni stuttu 38 ára æfi samdi eina fallegustu tónlist veraldar. Jafnvel önnur tónskáld kölluð hann "hinn nýja Bach" m.a. Liszt, Schumann og Berlioz. -
Glæsileg A-álma tekin í notkun í Glerárskóla
Ný og endurbætt A-álma hefur verið tekin í notkun í Glerárskóla. Gestum bauðst að líta á þær heilmiklu breytingar sem gerðar hafa verið á álmunni, en húsnæðið hefur verið endurnýjað á þann hátt að miklar breytingar hafa verið gerðar á vinnuumhverfi nemenda og starfsfólks. -
Fiskur frá smábátum dregur úr afköstum landvinnslunnar og bónusar starfsfólks lækka
Afköst í fiskvinnsluhúsum Samherja dragast verulega saman þegar keyptur er afli af strandveiðibátum til vinnslu. Starfsmaður sem hefur unnið í tæpa fimm áratugi hjá Útgerðarfélagi Akureyringa segir sláandi mun á gæðum hráefnis frá smábátum og togurum sem veiða á djúpslóð. Bónusar fiskvinnslufólks lækka þegar unninn er afli frá smábátum því mun tímafrekara er að verka fiskinn. -
Af slúbbertum og svörtum sauðum
Vísir birti nýlega frétt um nýútkomna skýrslu Viðskiptaráðs þar sem fjallað er um uppsagnarvernd opinberra starfsmanna. Sá sem fréttina ritar kýs að reyna að fá fleiri „smelli“ með því að leggja skýrsluhöfundi orð í munn eins og að kalla opinbera starfsmenn „slúbberta“.
