Stefna og Bændasamtökin endurnýja samstarfssamning

29. apríl, 2008 - 09:36 Fréttir
Stefna og Bændasamtökin endurnýja samstarfssamning
Stefna ehf og Bændasamtök Íslands (BÍ) hafa endurnýjað samsstarfssamning sinn um hugbúnaðarþróun fyrir miðlæg kerfi BÍ. Stefna hefur verið bakhjarl tölvudeildar BÍ í tæp tvö ár og hefur samstarfið gengið mjög vel.  Ánægja er innan BÍ með vinnu forritara Stefnu að vefrænum skýrsluhaldskerfum bænda sem unnin eru í nánu samstarfi við forritara tölvudeildar BÍ enda tveir forritarar tölvudeildarinnar staðsettir í húsnæði Stefnu á Akureyri, segir í fréttatilkynningu. Meðal kerfa sem unnin hafa verið í samstarfinu er nýtt miðlægt tölvukerfi AFURÐ, sem hefur tekið við af gömlu tölvukerfi í AS/400. AFURÐ heldur utan um fjölþættar upplýsingar frá afurðastöðvum um framleiðslu og það reiknar margvíslegar stuðningsgreiðslur til bænda og afurðastöðva. Nú er unnið að smíði á nýju skýrsluhaldskerfi í nautgriparækt (http://www.huppa.is/) sem kemur til með að leysa "gömlu Huppu" af hólmi. Kerfið var nýverið sett í prófun hjá völdum hópi kúabænda og er stefnt að því að bjóða öllum kúabændum sem taka þátt í skýrsluhaldi aðgang að kerfinu á næstu mánuðum. Önnur veflæg tölvukerfi BÍ vinna með þessu nýja tölvukerfi svo sem MARK (http://www.bufe.is/), Fjárvís (http://www.fjarvis.is/) og AFURÐ.  Kerfin sem Stefna vinnur að eru skrifað í PHP5 forritunarmálinu og nota Zend Framework. Undir þessu keyrir síðan Oracle gagnagrunnur í nautgriparækt sem hefur verið í þróun í tölvudeild BÍ síðustu árin. Einnig er notast við jQuery, Xajax og Thickbox.  Hjá Stefnu starfa átta manns og þar af fimm tölvunarfræðingar að forritun.
Til baka

Nýjast

  • Ótryggt sjúkraflug frá Húsavík

    • 12.05.2025
    Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli.

  • Erum hætt að deyja ung!

    • 12.05.2025
    Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu.

  • Landinn heimsækir lögreglufræðinámið á Akureyri

    • 12.05.2025
    Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér.

  • Kisukot áfram á einkaheimili

    • 12.05.2025
    Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug.

  • Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt

    • 11.05.2025
    „Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna.

  • Málefni verksmiðju PCC á Bakka - Óskað eftir fundi í atvinnuveganefnd Alþingis

    • 11.05.2025
    ,,Ég óskaði eftir því fyrir helgi við formann atvinnuveganefndar að forsvarsmenn sveitarfélagsins Norðurþings, PCC á Bakka og Samtökum iðnaðarins færu yfir stöðuna með okkur í atvinnuveganefnd þingsins sem allra fyrst."  

  • „Stóra markmiðið að auka fæðuöryggi“

    • 11.05.2025
    -segir Haukur Marteinsson nautgripabóndi á Kvíabóli en þingeyskir bændur eru stórtækir í kornrækt

  • Dreptu mig …. Þú ert svo leiðinlegur röflari

    • 10.05.2025
    Listin að rýna til gagns Listin að rýna til gagns, eða gagnrýna með uppbyggilegum hætti er eitthvað sem við ættum að temja okkur og ekki forðast. Það má vissulega oft finna leiðir til að gera misgóða hluti enn betri, benda á það sem betur mætti fara. Koma með lausnir og hugmyndir um betri leiðir, það flokkast undir að vera lausnamiðaður og framsýnn.

  • Lóðir við Hofsbót 1-3 boðnar út í þessum mánuði

    • 10.05.2025
    Stefnt er að því að bjóða lóðir við Hofsbót 1 – 3 út á ný síðar í maí. Lóðirnar voru boðnar út í fyrravor. Engar umsóknir bárust um þær þá.
Sjá meira