Sprenging í hundahaldi á Akureyri
Bergur Þorri Benjamínsson fulltrúi hjá Akureyrarbæ sér um málefni hunda og eigenda þeirra og segir hann að umsýslan hafi vaxið í réttu hlutfalli við þá fjölgun hunda sem orðið hefur í bænum á liðnum árum. Um 200 hundar voru á Akureyri í kringum síðustu aldamót, þeir voru svo um 300 í lok árs 2006, „en svo má segja að hafi orðið algjör sprenging, því nú eru alls um 530 hundar skráðir á Akureyri," segir Bergur Þorri. Hann segir rýmri reglur sem settar voru árið 2001 geta átt sinn þátt í auknu hundahaldi, en áður var einungis heimilt að halda hunda ef eigendur þeirra bjuggu í einbýlishúsum, þ.e. alveg sér og út af fyrir sig. Nú geti íbúar rað-par- og t.d. fjórbýlishúsa fengið heimild til að halda hund ef sérinngangur er í íbúðina, án leyfis annara eigenda. Um hundahald í fjölbýlishúsum gilda annars lög um fjöleignahús.
Lausaganga hunda er bönnuð í bæjarlandinu sem kunnugt er en eigendur hafa nýtt sér svonefnt hundasvæði á Blómsturvöllum skammt norðan bæjarins þar sem hundar geta verið lausir. Nokkrar umræður hafa verið í Vikudegi að undanförnu um hundasvæðið en hundeigendum þykir að gera megi nokkra bragarbót á svæðinu, m.a. laga bílastæði, setja upp lýsingu og fleira, en sjálfir tóku þeir sig til á dögunum og reistu skýli niður við sjó.
Bergur Þorri segir að fyrir fáum árum hafi verið stefnt að því að koma upp nýju hundasvæði í námunda við Kjarnaskóg en það hafi enn ekki komist til framkvæmda þrátt fyrir háværar raddir hundaeigenda. Málið hefur komið oftar en einu sinni til umræðu í framkvæmdaráði en engin ákvörðun tekin.
Í morgun fjallaði framkvæmdaráð um drög að nýrri hundasamþykkt þar sem gerðar eru nokkrar breytingar frá eldri og núgildandi samþykkt. Meðal þess sem þar er að finna, er bann við ákveðnum hundategundum, bann við hundahaldi í Grímsey, örmerkingu hunda og þá verður i nýju samþykktinni ákvæði um að óheimilt verður að vera með hunda á almennum samkomum, eins og 1. maí, 17. júní, um verslunarmannahelgi og á Akureyrarvöku svo eittvað sé nefnt varðandi breytingar frá eldri samþykkt.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.