Skemmtilegast þegar börnin setja upp fyrstu gleraugun
Samhent fjölskylda Mynd/Karl Eskil
Gleraugnasalan Geisli á Akureyri er rótgróið fjölskyldufyrirtæki, sem fagnar um þessar mundir 45 ára afmæli. Hjónin Ásta Einarsdóttir og Björn Óskar Björnsson sjóntækjafræðingur reka fyrirtækið, 16 ára dóttir þeirra og 19 ára sonur starfa við fyrirtækið og yngsti sonurinn er farinn að hjálpa til. Ásta er dóttir stofnandans og byrjaði að vinna hjá föður sínum fyrir þremur áratugum.
Já, ég var aðeins fimmtán ára gömul, þegar ég byrjaði að vinna hjá pabba og sinnti ýmsum störfum sem hann fól mér að inna af hendi. Geisli var fyrst í Amaróhúsinu í Hafnarstræti en þegar Kaupangur var byggður fluttist starfsemin þangað. Í dag erum við á tveimur stöðum, í Kaupangi og einnig á Glerártorgi, segir Ásta.
Blóm frá ánægðum viðskiptavinum
Já, já, það er alltaf sama kennitalan á fyrirtækinu, ég giska á að það séu ekki mjög mörg fyrirtæki í bænum sem geta státað af eldri kennitölu en við. Hingað koma viðskiptavinir sem hafa skipt við Geisla í áratugi. Svo þekkjum við mörg dæmi um fólk sem kom upphaflega með foreldrum sínum en kemur í dag með börnin sín, eða jafnvel barnabörn. Sem betur fer erum við í góðum tengslum við okkar viðskiptavini. Við fáum oft sendar þakkir og kveðjur á facebook og það kemur meira segja fyrir að við fáum send blóm frá ánægðu fólki. Okkar markmið er fyrst og fremst að veita góða þjónustu og það reynum við að gera eftir bestu getu. Við erum svo heppinn að hafa gott og reynslumikið starfsfólk .
Fyrstu gleraugun
Skemmtilegast er þegar börnin setja upp sín fyrstu gleraugu. Þau brosa strax út að eyrum, enda komin með góða sjón. Börn sem eru með skerta sjón eru fljót að aðlagast raunveruleikanum, en þegar þau fá sín fyrstu gleraugu blasir heimurinn við þeim skýr og tær. Ég er búin að setja ansi mörg gleraugu á börn og það er alltaf mikil og skemmtileg upplifun.
Nánar er rætt við Ástu í prentútgáfu Vikudags
Nýjast
-
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann.
