Settu upp skýli á hundasvæðinu
Hópur hundaeigenda á Akureyri kom á dögunum upp góðu skýli á svonefndu Hundasvæði norðan Akureyrar. Á
svæðið kemur daglega fjöldi fólks að viðra hunda sína, en þar er oft ansi napurt, enda ekkert skjól fyrir norðanáttinni.
„Þessi hugmynd kviknaði, við fórum á stúfana og fundum efni, fluttum það hingað og settu upp,“ segir Jón Björnsson einn
þeirra sem fyrir framkvæmdinni stóð. Í skjólinu var svo komið fyrir bekkjum og borði úr kefli. „Það
er sífelldur næðingur þarna niður við sjóinn og þar höfum við noprað löngum stundum á meðan hundarnir hlaupa,“
bætir hann við.
Hópurinn sem stóð að gerð skýlisins segir að aðbúnaður á hundasvæðinu sé afskaplega slæmur, þar sé nákvæmlega ekki neitt. Það hafi kostað margra mánaða ströggl við Akureyrarbæ að fá einn bekk sem er efst á svæðinu. Nauðsynlegt sé að bæta úr, efst á óskalistanum og það sem brýnast sé er að koma upp salernum á svæðinu og rennandi vatni svo hægt sé að skola af hundunum áður en haldið er heim á leið. Þá benda hundaeigendur á að girðingar séu mjög lélegar umhverfis svæðið, túnið sé ekki slegið, en hægt væri að gera margt til bóta án þess að kosta miklu til.
Þá er bílastæðið slæmt og yfir veturinn er það ekki mokað. Að vori þegar snjóa leysir safnast mikið vatn fyrir á því og verður það iðulega eitt drullusvað þegar snjórinn bráðnar. Loks nefna hundaeigendur að engin lýsing sé á svæðinu sem sé mjög vont yfir vetrartímann. „Það er fjölmargt sem þyrfti að lagfæra en fram til þessa höfum við talað fyrir daufum eyrum,“ segir Brynjar Zóphaníasson einn hundaeigenda.
Hundaeigendur greiða leyfisgjald að upphæð 13.500 krónur , en í reglum um hundahald á Akureyri segir að gjöld megi aldrei vera hærri en sem nemur rökstuddum kostnaði við veitta þjónustu eða framkvæmd. Finnst mörgum hundaeigendum að sögn þeirra sem blaðið hitti á svæðinu lítið fást fyrir aurinn. Spjald með nafni hunds og símanúmeri eigenda og eins hundahreinsun á ári. Benda hundaeigendur á að eigendur annarra dýra, m.a. katta og hesta þurfi ekki að greiða sérstakt gjald í bæjarsjóð. „Okkur þykir við borga hátt gjald en fá litla sem enga þjónustu og þegar spurt er í hvað leyfisgjaldið fari er fátt um svör,“ segja þeir Jón og Brynjar.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.