Sérstakt sjónvarp Afmælisvöku Akureyrar sent út um helgina
Í tilefni Afmælisvöku Akureyrar mun Vodafone í samstarfi við N4 og Akureyrarstofu senda út sérstaka sjónvarpsstöð um helgina. Þar munu gestir Afmælisvöku geta látið ljós sitt skína á sjónvarpsstöð sem nær til stórs hluta landsmanna með því að senda inn myndir og tíst í gegnum snjallsíma sína. Sent verður út á föstudag frá kl. 13:00 til 18:00, allan laugardaginn og endursýning á dagskránni verður á sunnudeginum.
Samskonar sjónvarpsstöð var sett á laggirnar í fyrsta sinn hér á landi fyrir Menningarnótt í Reykjavík og var þátttaka framar vonum. Næstum 1.700 myndir voru sendar inn með merkingunni #menningarnótt og yfir 440 "tíst" send inn með sömu merkingu. Stöðin verður send út á hefðbundinni rás sjónvarpsstöðvarinnar N4. Þar verða birt myndskeið sem sýna stemmninguna á Akureyri og sent beint frá stórtónleikum Afmælisvöku og flugeldasýningu hátíðarinnar sem er í boði Vodafone. Meginuppistaða útsendingarinnar verða hins vegar myndir sem teknar eru með snjallsímaforritinu Instagram og merktar eru #akureyri og tíst af samskiptamiðlinum Twitter sem merkt eru #akureyri. Þannig munu allir snjallsímanotendur með iPhone, Android-snjallsíma eða iPad-spjaldtölvu geta sent inn myndir með Instagram og tekið þátt í útsendingunni. Allir notendur Twitter geta með sama hætti komið sínu tísti í tíststraum stöðvarinnar.
Rekstraraðilar á Akureyri eru hvattir til að sýna stöðina svo gestir geti séð myndir sínar og annarra gesta á meðan á viðburðinum stendur. Hægt verður að ná stöðinni á hefðbundnum útsendingarrásum sjónvarpsstöðvarinnar N4, sem eru rás 29 í Vodafone Sjónvarpi um ADSL og ljósleiðara, rás 15 með Digital Ísland myndlyklum á Akureyri og rás 6 á sjónvarpsdreifikerfi Símans. Stöðin næst einnig um loftnet á Akureyri á rás 53, á rás 29 um örbylgjudreifikerfi Digital Ísland á suðvesturhorninu og vefútsendingu má finna á vefnum n4.is.
Instagram er eitt vinsælasta snjallsímaforrit frá upphafi, en með því geta notendur tekið myndir og deilt þeim til vina á einfaldan hátt. Með því að bæta við merkingu á borð við #akureyri í myndatextann má safna saman öllum myndum sem tengjast ákveðnum málefnum. Nöfn allra sem senda inn mynd með Instagram sem birtist í sjónvarpi Afmælisvöku fara í pott og hlýtur einn heppinn þátttakandi hinn vinsæla Samsung Galaxy S III snjallsíma í vinning í boði Vodafone. Nánari upplýsingar og leiðbeiningar um hvernig sækja á Instagram og senda myndir inn á sjónvarpsstöðina má finna á á Vodafone.is og Facebook-síðu Vodafone, segir í fréttatilkynningu.
Nýjast
-
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann. -
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku. -
Framkvæmdir að hefjast við nýtt svæði á Torfunefsbryggju Samið um fyrstu bygginguna
Samningur milli HN og verktakafyrirtækisins Húsheildar/Hyrnu um byggingu fyrsta hússins á Torfunefssvæðinu hefur verið undirritaður og markar ákveðin skref í uppbyggingu svæðisins.
