Samkaup hafa uppi stór áform á Húsavík
„Ég hef séð umræðuna um að staðsetning framtíðar verslunarkjarna á Húsavík ætti að vera meira miðsvæðis og ég skil þá umræðu en hafa þarf í huga þá miklu umferð þungaflutninga sem svona verslunarmiðstöð krefst og því held ég að til lengri tíma litið sé þetta rétt niðurstaða.,“ segir Gunnar Egill Sigurðsson forstjóri Samkaupa.
Skipulags og framkvæmdaráð Norðurþings hefur tekið fyrir erindi frá Samkaupum hf. og KSK eignum ehf. þar sem óskað er eftir lóð undir nýja verslunarmiðstöð við Norðausturveg sunnan Þorvaldsstaðaár á Húsavík. Líst ráðinu vel á hugmyndir sem kynntar voru og hefur skipulags- og byggingarfulltrúa verið falið að hefja vinnu við skipulag svæðisins. Skiptar skoðanir eru uppi á Húsavík um staðsetninguna og vilja sumir að betur fari á því að opna nýja Nettóverslun í miðbæ Húsavíkur og efla hann í leiðinni.
Gunnar segir að um langt skeið hafi möguleikar á stækkun verslunarhúsnæðis félagsins á Húsavík verið til skoðunar eða færsla í annað hentugra húsnæði. „Nú í haust fannst mér þessar umleitanir fullreyndar og hafði samband við Katrínu Sigurjónsdóttur sveitastjóra Norðurþings um mögulegar staðsetningar. Við sóttumst eftir tveimur staðsetningum og lóð sunnan Húsavíkur og var sú staðsetning sem bæjarfélagið taldi henta best fyrir valin og varð þetta því niðurstaðan,“ segir Gunnar.
Gunnar Sigurðsson forstjóri Samkaupa
Kanna áhuga fleiri á að vera með
Skipulags- og framkvæmdaráð Norðurþings hafi tekið vel í hugmynd um þróun nýs verslunarkjarna á svæðinu sem um var sótt og gera megi ráð fyrir að vinna við skipulag svæðisins hefjist innan tíðar. Gera megi ráð fyrir að gera verði einhverjar breytingar á aðalskipulagi sem og deiliskipulagi.
„Allt þetta ferli tekur tíma en það má áætla að ef vel gengur hjá skipulagsyfirvöldum gæti þetta legið fyrir í fyrsta lagi í haustið 2024. Ég sé fyrir mér að nú í vor verði farið í að kanna áhuga fleiri verslunaraðila, t.d. sérvöruverslanir, bakarí, veitingastaði og apótek. Ef vel gengur þá gætum við byrjað framkvæmdir næsta vor og opnað verslun 18 mánuðum síðar,“ segir Gunnar.
Nýjast
-
Norðurorka - Leit að leka í hitaveitu með drónum
Dagana 7.-11. maí munu starfsmenn frá umhverfisverkfræðistofunni ReSource International gera lekaleit á hitaveitu fyrir hönd Norðurorku. Að þessu sinni yfir Eikar- og Daggarlundi á Akureyri, í Eyjafjarðarsveit (Hrafnagilshverfi, Kristnes og austan frá Kaupangi fram að Stóra Hamri) og á Svalbarðseyri. -
Ferðafélag Akureyrar og Stóri-plokkdagurinn - Félagsmenn tóku til hendinni að venju
„Okkur finnst minna um rusl núna en undanfarin tvö ár, sem ef til vill er vegna þess að svæðið er hreinsað skipulega á hverju ári,“ segir Þorgerður Sigurðardóttir formaður Ferðafélags Akureyri. Stóri-plokkdagurinn var haldinn um liðna helgi og tóku félagsmenn FFA til hendinni að venju -
Kveðjutónleikar og útgáfuhóf í Sögulokum Hrundar Hlöðversdóttur
Sögulok er yfirskrift viðburðar sem Hrund Hlöðversdóttir efnir til í félagsheimilinu Laugarborg í Eyjafjarðarsveit á laugardaginn, 4. maí. Þar kveður hún sveitunga sína, en Hrund hefur búið í Eyjafjarðarsveit undanfarin 16 ár, þar af var hún skólastjóri Hrafnagilsskóla um 12 ára skeið ár. Sögulokin eru jafnframt útgáfuhóf því um þessar mundir kemur út þriðja og síðasta bók Hrundar í þríleik hennar um Svandísi og félaga hennar. Sú heitir ÓLGA, kynjaslangan. -
Fiðringur í HOFI þriðja sinn 8. maí n.k.
Fiðringur á Norðurlandi verður haldinn í HOFI þriðja sinn þann 8. maí kl 20. Skrekkur í Reykjavík og Sjálftinn á Suðurlandi eru fyrirmyndir Fiðrings sem er dýrmætur vettvangur fyrir unglingana á Norðurlandi eystra til að láta rödd sína heyrast. -
Listasafnið á Akureyri: Nemendasýningar opnaðar á laugardaginn
Laugardaginn 4. maí kl. 15 verða tvær sýningar opnaðar í Listasafninu á Akureyri: Nemendasýning Myndlistaskólans á Akureyri, Sjónmennt 2024, og útskriftarsýning nemenda listnáms- og hönnunarbrautar VMA, Bragðarefur. -
Nýr sviðsstjóri Netöryggismiðstöðvar Íslands
Skúli Bragi Geirdal, sérfræðingur í miðlalæsi hjá Fjölmiðlanefnd er nýr sviðsstjóri SAFT - Netöryggismiðstöðvar Íslands (Safer Internet Center á Íslandi). -
Ólöf Ása Benediktsdóttir ráðin skólastjóri Hrafnagilsskóla
Sveitarstjórn Eyjafjarðarsveitar hefur ákveðið að ráða Ólöfu Ásu Benediktsdóttur í stöðu skólastjóra Hrafnagilsskóla og mun hún taka formlega við stöðunni þann 1. ágúst 2024. Ólöf Ása hefur starfað við Hrafnagilsskóla frá því árið 2005, lengst af sem umsjónarkennari en veturinn 2016-2017 leysti hún af sem aðstoðarskólastjóri -
Afkoma Kjarnafæðis Norðlenska í samræmi við væntingar
Afkoma Kjarnafæðis Norðlenska hf. fyrir árið 2023 var í samræmi við áætlanir þrátt fyrir krefjandi ytri aðstæður á árinu. Fjármagnskostnaður var samstæðunni íþyngjandi í því háa vaxtaumhverfi sem einkenndi árið 2023 en aðhald í rekstri og hagræðingaraðgerðir vegna samruna Kjarnafæðis og Norðlenska hafa á sama tíma skilað verulegum rekstrarbata. -
Akureyri - Hængsmenn eru höfðingjar
Lionsklúbburinn Hængur heldur sitt árlega Hængsmót í 42 skiptið um komandi helgi, 3 til 5 maí. Á mótinu keppa um 200 keppendur í Boccia og lýkur mótinu með veglegu lokahófi og balli.
Athugasemdir