SA Víkingar mæta Fjölni á laugardag
SA Víkingar mæta Fjölni á laugardag
SA Víkingar mæta Fjölni í Toppdeild karla í íshokkí í Skautahöllinni á Akureyri á morgun, laugardaginn 14. nóvember. Flautað verður til leiks klukkan 16.45 og má búast við hörkuleik enda hafa viðureignir liðanna í vetur verið fjörugar og spennandi.
Liðin hafa mæst tvisvar á tímabilinu. Fjölnir vann fyrri leik liðanna, 4-1, í Egilshöll í september, en SA Víkingar svöruðu fyrir sig með 8-6 sigri þegar liðin mættust á ný í Laugardalnum í október. Daniil Fursa og Baltasar Hjálmarsson áttu stórleik fyrir SA í síðari viðureigninni þar sem þeir skoruðu hvor um sig þrennu og Fursa lagði auk þess upp tvö mörk til viðbótar. Fjölnismenn náðu tveggja marka forskoti í leiknum áður en SA Víkingar sneru taflinu við og tryggðu sér sigurinn.
SA Víkingar sitja í efsta sæti Toppdeildarinnar með 16 stig eftir átta leiki. Fjölnir er í þriðja sæti með 12 stig eftir sjö leiki.
Næsti heimaleikur SA Víkinga eftir leikinn gegn Fjölni verður svo laugardaginn 12. desember klukkan 16.45 þegar SR kemur í heimsókn.
Nýjast
-
Þrengist um svigrúmið fyrir fleiri „síðustu sýningar“
„Þær eru orðnar ansi margar sýningarnar sem ég hef á liðnum árum kynnt sem mínar síðustu. Það hefur fram til þessa reynst fleipur eitt,“ segir Kristinn G. Jóhannsson sem opnar sýningu á nýjum verkum í Mjólkurbúðinni á laugardag. Tilefnið er níræðisafmæli sem hann fagnar 21. desember næstkomandi, á stysta degi ársins.“ Heiti sýningarinnarer Hlaðspretturinn, lokaspretturinn heim í hlað. „Mér sýnist að það fari að þrengjast svigrúmið til að halda fleiri „síðustu sýningar“ hjá mér og að ég standi nú loksins við stóru orðin. -
SA Víkingar mæta Fjölni á laugardag
Liðin hafa mæst tvisvar á tímabilinu. Fjölnir vann fyrri leik liðanna, 4-1, í Egilshöll í september, en SA Víkingar svöruðu fyrir sig með 8-6 sigri þegar liðin mættust á ný í Laugardalnum í október. -
SAk hlýtur bronsdekkið fyrir orkuskipti í bílaflotanum
Sjúkrahúsið á Akureyri hefur hlotið bronsdekkið, viðurkenningu fyrir árangur í orkuskiptum í bílaflota ríkisstofnana og ríkisfyrirtækja. Hlutfall orkuskipta hjá SAk er nú 43,8% samkvæmt viðmiðum verkefnisins. -
Svalbarðseyri Framkvæmdir í gangi
Nú standa yfir framkvæmdir á Svalbarðseyri sem munu bæta aðgengi og innviði svæðisins. -
Velferðarstjarnan í sölu fjórða árið í röð
Árleg fjáröflun Velferðarsjóðs Eyjafjarðarsvæðis hófst um liðna helgi með sölu á Velferðarstjörnunni á Glerártorgi. Þetta er fjórða árið í röð sem stjarnan er seld. Allur ágóði rennur óskiptur til Velferðarsjóðsins sem styður efnaminni einstaklinga og fjölskyldur á Eyjafjarðarsvæðinu. -
Málþing um eflingu rannsókna á áhættuþáttum sjálfsvíga og dauðsfalla vegna óhappaeitrana
Undanfarin 10 ára hafa að meðaltali 40 einstaklingar á ári látist í sjálfsvígi á Íslandi. Þeim sem látast vegna óhappaeitrana hér á landi hefur hins vegar fjölgað mikið á síðustu 15 árum og nálgast nú fjöldann sem fellur fyrir eigin hendi ár hvert. Rannsóknir hefur skort á áhættuþáttum sjálfsvíga og dauðsföllum vegna óhappaeitrana hér á landi á síðustu áratugum og aukin þörf er á samstarfsvettvangi til að auka þekkingu á slíkum dauðsföllum. -
Þrír mánuðir í Þingeyjarsveit
Ýmislegt vissi ég um Þingeyjarsveit þegar ég sótti um starf sveitarstjóra í sumar en margt hef ég lært og margt á ég ólært núna þremur mánuðum seinna. Svo lengi lærir sem lifir og það er skemmtilegur lærdómur að kynnast nýju sveitarfélagi og nýju samfélagi. -
VMA fær Íslensku menntaverðlaunin í flokki iðn- og verkmennta
Verkmenntaskólinn á Akureyri (rafdeild) er handhafi Íslensku menntaverðlaunanna í flokki iðn- og verkmennta fyrir sjálfbæra kennslustofumsem rafdeild skólans setti upp fyrr á þessu ári. Forseti Íslands, Halla Tómasdóttir, afhenti verðlaunin á Bessastöðum og Rúv sýndi frá athöfninni í kvöld. Við verðlaununum tóku fyrir hönd VMA Ásta F. Flosadóttir aðstoðarskólameistari og Haukur Eiríksson brautarstjóri rafiðngreina í VMA. -
Skrifað undir samning um stuðning Akureyrarbæjar við verkefni Ferðamálafélags Hríseyjar 2026-2029
Í dag var undirritaður nýr samningur um stuðning Akureyrarbæjar við verkefni á vegum Ferðamálafélags Hríseyjar til ársins 2029.
