Pizzameistarinn sem byggir blokkir
Þorsteinn Hlynur Jónsson fyrir framan eina af blokkunum sem hann er að byggja við Ásatún í Naustahverfi. Mynd: epe.
Þorsteinn Hlynur Jónsson er 49 ára athafnamaður sem ólst upp í sveit, á bænum Brúnum frammi í Eyjafirði í Öngulstaðahreppi sem foreldrar hans byggðu upp. Hann hefur komið víða við í hótel og veitingarekstri og stofnaði m.a. veitingastaðinn Greifann ásamt nokkrum félögum sínum, sem er fyrir löngu orðinn eitt af helstu kennileitum Akureyrar. Í dag er hann kominn í bygginga- og fasteignabransann og er að byggja 80 íbúðir í Naustahverfi. Egill P. Egilsson blaðamaður ræddi við Hlyn um uppganginn í veitingarekstrinum, fjölskylduna, lífið og tilveruna.
Í viðtalinu er farið nokkuð ítarlega yfir sögu veitingastaðarins Greifans og sagt frá því hvernig það ævintýri hófst í raun á pizzastað á skemmtistaðnum Bleika fílnum. Þá er það rekið hvernig fyrirtækið sem rak veitingastaðinn Greifann, óx og dafnaði og varð fyrirferðamikið í hótelrekstri.
Vikudagur vill koma því á framfæri að vitlaust var haft eftir í viðtalinu með ártöl er varða hótelrekstur eignarhaldsfélags Greifans.
„Árið 1998 tók eignarhaldsfélag Greifans yfir rekstur teríunnar á Hótel KEA og tók síðar við gistirekstrinum líka. Og þeir létu ekki staðar numið þar. Árið 2002 voru þeir búnir að bæta við sig rekstri á Hótel Hörpu og Hótel Björk, Hótel Gíg í Mývatnssveit og um stund ráku þeir Hótel Norðurland líka og voru þá komnir með fimm hótel,“ segir í greininni. Hið rétta er hins vegar eftirfarandi:
1998 Greifinn tekur veitingarekstur Hótel Kea á leigu.
2000 Gistirekstur Hótel Kea og Hótel Hörpu yfirtekin og Páll Lárus Sigurjónsson kaupir sig inn í félagið og Keahótel ehf er stofnað.
2002 Rekstur Hótel Norðurland og Hótel Gígur bætast við rekstur Keahótela
2003 Rekstur Hótel Björk Reykjavík bætist við Keahótel keðjuna
2003 eru fasteignir Hótel Kea og Hótel Hörpu keyptar af Kaupfélagi Eyfirðinga. (KEA)
2005 Rekstur Hótel Borg Reykjavík bætist við Keahótel keðjuna
2011 Nafnið Hótel Harpa er lagt niður og húsnæðið/herbergin sameinast eftir gagngerðar breytingar Hótel Kea.
Nálgast má viðtalið í heild sinni í prentútgáfu blaðsins.
- Vikudagur 3. nóv
Nýjast
-
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára. -
Syngjandi sumarsveifla í Laugarborg
Að kvöldi síðasta vetrardags býður Kirkjukór Grundarsóknar í Eyjafjarðasveit til tónlistarveislu í Laugarborg þar sem sannarlega verður syngjandi sumarsveifla í aðalhlutverki. -
Ef ég væri sími.
Líklega er áhugi fólks á tækjum og tækni mismikill. Flestir eru þó duglegir í að passa uppá símana sína, tileinka sér tækninýjungar og uppfæra þá. Þetta litla tæki sem fylgir okkur mörgum í daglegu lífi. Síminn er gjarnan skammt undan, uppi á borði, í töskunni eða vasanum. Góður sími getur veitt okkur sítengingu við alheiminn, vini og vandamenn, afþreyingu, vinnuna og bara allt mögulegt. -
Mörg þúsund manns árlega á faraldsfæti suður til lækninga
Þjónusta Sjúkrahússins á Akureyri hefur dregist saman undanfarin misseri. Því fer fjarri að SAK nái að uppfylla það hlutverk sem skilgreint er í lögum um heilbrigðisþjónustu, þar sem m.a. segir að sjúkrahúsið eigi að veita þjónustu í nær öllum sérgreinum lækninga og vera varasjúkrahús Landspítala -
Lögreglan á Norðurlandi eystra rannsakar andlát
Eftirfarandi tilkynningu sendi lögreglan á Norðurlandi eysta frá sér nú rétt í þessu. Klukkan 04:30 aðfaranótt mánudags var lögreglan á Norðurlandi eystra kölluð að fjölbýlishúsi á Akureyri. Fyrstu lögreglumönnum sem komu á vettvang var vísað á meðvitundarlausa konu í íbúðinni og hófust endurlífgunartilraunir þegar í stað. Læknir og sjúkraflutningamenn komu einnig á vettvang en tilraunir til endurlífgunar báru ekki árangur og var konan úrskurðuð látin á vettvangi. -
Svona er síminn hannaður til að stela athygli okkar
Af hverju er svona erfitt að leggja frá sér símann? Er efnið sem þar er að finna alltaf svo mikilvægt og áríðandi að það gengur fyrir þau samskipti sem við erum að eiga við fólkið í kringum okkur? Förum við í símann þegar að við erum undir stýri? (Já það telst líka með að gera það á rauðu ljósi). Lengjum við klósettferðirnar okkar til að vera lengur í símanum? Leggjum við símann alltaf á borðið á fundum, í kaffitímanum eða við matarboðið og leyfum þannig tilkynningunum á skjánum að stela athygli okkar? Setjum við börnin okkar fyrir framan skjá til þess að kaupa okkur sjálfum skjátíma? Leitum við í símann alltaf þegar að okkur leiðist? Erum við hrædd við að vera vandræðaleg á almannafæri og förum í símann til að þykjast vera að sinna einhverju mikilvægu frekar en að líta upp og leyfa huganum að reika? Dettum við út í samtölum við annað fólk því við ætluðum að fletta einhverju eldsnöggt upp en rákumst svo á eitthvað annað sem greip athygli okkar? Getum við átt gæðastundir með fjölskyldunni án þess að láta símann trufla okkur? -
Lokaorðið - Forgangslistinn
Eftir því sem ég eldist verð ég sífellt þakklátari fyrir að fá að ganga lífsins veg með fólkinu mínu. Við erum fámenn þjóð og höfum í gegnum tíðina staðið þétt saman. Við höfum lyft grettistaki í forvörnum vegna slysa á sjó og landi. -
Hörður Óskarsson styrkir Krabbameinsfélagið
Hörður Óskarsson færði Krabbameinsfélagi Akureyrar og nágrennis ríflega hálfa milljón króna sem er andvirði af sölu á skarti úr gamalli mynt sem hann selur undir nafninu Mynthringir og alls konar.
Athugasemdir