Óvissa um áframhaldandi starfsemi
„Mér sýnist staðan vera sú að allir bíði eftir að ráðinn verði verkefnisstjóri atvinnumála hjá Akureyrarbæ og ég sé ekki betur en menn leggi allt traust sitt á hann, að hann verði eins konar töframaður sem leysi öll mál,“ segir Rúnar Þór Björnsson en hann hefur starfað hjá Grasrót-Iðngörðum sem er til húsa á athafnasvæði Slippsins við Hjalteyrargötu. Rúnar Þór fór ásamt Önnu Guðnýju Guðmundsdóttir og Georg Hollandes á fund stjórnar Akureyrarstofu á dögunum til að ræða nýjar hugmyndir um framhald á starfsemi Grasrótar-Iðngarða.
Fram kemur í fundargerð stjórnar Akureyrarstofu að hún vilji skoða verkefni með jákvæðu hugarfari en óskar eftir að unnin verði ítarlegri rekstraráætlun fyrir verkefnið sem og að Vinnumálastofnun taki hugmyndirnar til skoðunar áður en það verður endanlega afgreitt.Starfsemi Grasrótar hófst í byrjun síðasta árs, fyrst sem bátasmiðja en hefur síðan tekið breytingum og undanfarna mánuði hefur verið unnið að fjölbreyttu handverki, tveir smiðir voru við störf hennar vegum auk verkefnisstjóra. Þá tók Grasrót þátt í atvinnuátaki á vegum Vinnumiðlunar sem miðaði að þátttöku ungs fólks í atvinnulífinu.
„Nú er staðan sú að ekki er til peningur til að gera nokkurn skapaðan hlut, mér sýnist nýi meirihlutinn bara bíða eftir að þessi verkefnisstjóri atvinnumála verði ráðinn og að kjöfarið verði öll mál leyst,“ segir Rúnar Þór. „Starfsemin hjá okkur var mjög öflug í fyrravetur og hér var mikill fjöldi ungs fólks og mjög líflegt, en nú vitum við ekki hvað verður. Við höfum viðrað fjölda hugmynda í þá veru að bjóða ungu fólki að taka þátt í margs konar verkefnum, en eins og staðan er nú er óljóst hvort einhver starfsemi verður yfrhöfuð á okkar vegum.“
Vinnumálastofnun og Akureyrarstofa hafa greitt húsaleigu fyrir samtökin, en Rúnar Þór segir að ekki sé vitað hvort framhald verði þar á. „Þetta er allt í óvissu, ætli við verðum ekki eins og aðrir að bíða eftir þessum töframanni og sjá hvað hann dregur upp úr hatti sínum.“Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.