Óþrifnaður og viðhaldi ábótavant í Kjarnaskógi
Timbrið í tröppunum upp að grillhúsinu er nánast ónýtt og ein trappan brotin.
Kjarnaskógur er einn allra vinsælasti útivistarstaður Akureyrar og þangað kemur jafnan mikill fjöldi fólks, ekki síst barnafólk. Steinar Óli Gunnarsson og kona hans Regína Siguróladóttir, fóru með barnabörnin sín í Kjarnaskóg sl. sunnudag en þau voru langt frá því að vera sátt við það sem við blasti við grillsvæðið í skóginum. Steinar Óli sagði að svæðið hafi verið vægast sagt suppulegt, auk þess sem töluvert vantar upp á eðlilegt viðhald, m.a. á tröppunum upp að grillhúsinu og á hengibrúnni þar rétt hjá. Við urðum fyrir áfalli yfir því hvernig ástandið þarna var og það er hreinlega slysahætta, bæði í tröppunum og á hengibrúnni. Rusladallarnir voru yfirfullir, þannig að fólk lét ruslapoka sína við hliðina á rusladöllunum og fuglinn hafði rifið pokana og dreift ruslinu um svæðið.
Steinar Óli sagði að Kjarnaskógur væri frábært útvistarsvæði og vinsælt bæði af heimafólki og gestum og því mætti það ekki gerast að svæðið væri látið drabbast svona niður. Þeir taki það til sín sem eiga það en ljóst er að þarna þarf að taka duglega til hendinni og fylgjast betur með því að þetta fallega svæði sé í lagi og snyrtilegt.
Kona sem Vikudagur ræddi við, sagði að salernið í Kjarnaskógi hefði einnig litið subbulega út um helgina og pappír vantað á salernin.
Nýjast
-
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann. -
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku. -
Framkvæmdir að hefjast við nýtt svæði á Torfunefsbryggju Samið um fyrstu bygginguna
Samningur milli HN og verktakafyrirtækisins Húsheildar/Hyrnu um byggingu fyrsta hússins á Torfunefssvæðinu hefur verið undirritaður og markar ákveðin skref í uppbyggingu svæðisins. -
Hinsegin hátíð á Norðurlandi eystra
Hinsegin hátíð á Norðurlandi eystra verður haldin í fyrsta skiptið dagana 18.–22. júní 2025. Öll sveitarfélög á Norðurlandi eystra standa að hátíðinni og stefnt er að því að viðburðir fari fram sem víðast í öllum landshlutanum. -
Magnaði Mendelssohn
Felix Mendelssohn (Bartholdy) er talinn hafa verð einn mesti tónsnillingur allra tíma. Undrabarn sem á sinni stuttu 38 ára æfi samdi eina fallegustu tónlist veraldar. Jafnvel önnur tónskáld kölluð hann "hinn nýja Bach" m.a. Liszt, Schumann og Berlioz. -
Glæsileg A-álma tekin í notkun í Glerárskóla
Ný og endurbætt A-álma hefur verið tekin í notkun í Glerárskóla. Gestum bauðst að líta á þær heilmiklu breytingar sem gerðar hafa verið á álmunni, en húsnæðið hefur verið endurnýjað á þann hátt að miklar breytingar hafa verið gerðar á vinnuumhverfi nemenda og starfsfólks. -
Fiskur frá smábátum dregur úr afköstum landvinnslunnar og bónusar starfsfólks lækka
Afköst í fiskvinnsluhúsum Samherja dragast verulega saman þegar keyptur er afli af strandveiðibátum til vinnslu. Starfsmaður sem hefur unnið í tæpa fimm áratugi hjá Útgerðarfélagi Akureyringa segir sláandi mun á gæðum hráefnis frá smábátum og togurum sem veiða á djúpslóð. Bónusar fiskvinnslufólks lækka þegar unninn er afli frá smábátum því mun tímafrekara er að verka fiskinn. -
Af slúbbertum og svörtum sauðum
Vísir birti nýlega frétt um nýútkomna skýrslu Viðskiptaráðs þar sem fjallað er um uppsagnarvernd opinberra starfsmanna. Sá sem fréttina ritar kýs að reyna að fá fleiri „smelli“ með því að leggja skýrsluhöfundi orð í munn eins og að kalla opinbera starfsmenn „slúbberta“.
