Óskar Þór ráðinn framkvæmda- stjóri knattspyrnudeildar KA
Óskar Þór er ekki með öllu ókunnugur knattspyrnunni í KA því hann var formaður yngriflokkaráðs KA í knattspyrnu um þriggja ára skeið. Þá hefur hann komið að skipulagningu Greifamóta KA í knattspyrnu frá upphafi og lagt sín lóð á vogarskálarnar við framkvæmd N1-mótsins undanfarin ár. Þá skal þess getið að Óskar Þór var verkefnastjóri Landsmóts UMFÍ á Akureyri sumarið 2009, sem var stærsta og fjölmennasta landsmót frá upphafi og tókst afburða vel.
"Þetta er ögrandi og spennandi verkefni, sem ég hlakka til að takast á við. Framundan er áframhaldandi uppbygging í knattspyrnunni hjá félaginu og sömuleiðis varðandi aðstöðu, bæði á Akureyrarvelli og félagssvæði KA við Dalsbraut. Þess verður vonandi ekki langt að bíða að ráðist verði í gerð gervigrasvallar á KA-svæðinu, sem að mínu mati myndi gjörbreyta allri aðstöðu félagsins í knattspyrnu til hins betra.
Þetta verður vissulega yfirgripsmikið starf - að koma að málum í öllum yngri flokkum og alveg upp í meistaraflokk. Ég hygg að þetta hafi ekki verið gert áður í KA, en ég tel rétt að horfa á knattspyrnuna í félaginu sem eina heild. Vöxturinn hefur verið mikill í yngriflokkastarfinu á undanförnum árum og ég hef ekki trú á öðru en að hann haldi áfram. Og það verður verðugt verkefni fyrir mig að setja mig inn í mál varðandi meistaraflokk og 2. flokk, að ekki sé talað um N1-mótið, sem er einfaldlega stærsta knattspyrnumót á Íslandi ár hvert. Þar treysti ég á og veit að ég fæ ófá góð ráð frá Gassa, sem hefur unnið frábært starf fyrir KA mörg undanfarin ár," segir Óskar Þór.
"Við í stjórn knattspyrnudeildar eru mjög ánægð ráðningu Óskars Þórs. Undanfarin ár hefur hann unnið heilmikið fyrir knattspyrnuna í KA og þekkir því vel til hjá okkur. Framundan eru mörg verkefni, stór sem smá og við erum mjög ánægð með að fá hann til liðs við okkur, við væntum mikils af hans störfum í framtíðinni fyrir knattspyrnudeild KA," segir Bjarni Áskelsson, formaður knattspyrnudeildar KA.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.