Ólafur Ragnar með tæplega 8% meira en Þóra
Smellið á myndina til að stækka hana
MMR kannaði stuðning almennings við þá einstaklinga sem hafa lýst yfir framboði til komandi forsetakosninga. Af þeim sem tóku afstöðu voru 44,5% sem sögðust myndu kjósa Ólaf Ragnar Grímsson og 36,9% sem sögðust ætla að kjósa Þóru Arnórsdóttur. Þá voru 10,1% þeirra sem tóku afstöðu sem lýstu yfir stuðningi við Ara Trausta Guðmundsson, 4,6% vildu kjósa Herdísi Þorgeirsdótur, 2,0% Andreu J. Ólafsdóttur og 1,9% Hannes Bjarnason.
Niðurstaðan er því að tæpum átta prósentum munar á fylgi Ólafs Rangars og Þóru, sem er marktækur munur. Breytingar á fylgi einstakra frambjóðenda frá síðustu könnun eru þó innan vikmarka.
Sem fyrr reyndist töluverður munur á afstöðu fólks eftir því hvaða stjórnmálaflokka það sagðist styðja væri gengið til kosninga nú (og fer vaxandi frá fyrri könnunum). Þannig voru 67,2% framsóknarmanna, 63,7% sjálfstæðismanna og 45,7% stuðningsfólks Samtöðu sem sögðust kjósa Ólaf Ragnar. Á hinn bóginn voru 74,5% samfylkingarfólks, 59,5% Vinstri-grænna og 65,3% stuðningsfólks Bjartrar framtíðar sem sagðist vilja kjósa Þóru. Þá voru 62,0% þeirra sem sögðust styðja ríkisstjórnina sem jafnframt sögðust kjósa Þóru. Á móti voru 57,8% þeirra sem sögðust andvígir ríkisstjórninni sem sögðust vilja kjósa Ólaf Ragnar
Nýjast
-
Núna er rétti tíminn fyrir nýja áskorun!
Kynningarfundur um Executive MBA námið við Háskóla Íslands haldinn í Múlabergi, Hótel KEA miðvikudaginn 28.maí kl. 12:15. -
Húsavík: Eggvopnum beitt
Kl. 02:51 í nótt barst tilkynning til lögreglunnar um heimilisofbeldi í heimahúsi á Húsavík og að hnífi hafi verið beitt. Þegar lögregla og sjúkralið komu á vettvang kom í ljós að þar voru tveir aðilar með áverka. -
Höfðinleg gjöf til Krabbameinsfélags Akureyrar og nágrennis.
Krabbameinsfélag Akureyrar og nágrennis á marga velunnara og það er auðvitað frábært og mjög þakkarvert. Á Facebooksíðu félagsins er sagt frá höfðinlegri gjöf sem félaginu barst á dögunum. -
Yfirlýsing frá Norðurþingi vegna lokunar PCC Bakka
Það hefur raungerst að PCC Bakki Silicon hefur boðað uppsagnir á 80 manns í verksmiðju sinni á Bakka við Húsavík og rekstrarstöðvun verksmiðjunnar fyrirhuguð í júlí næstkomandi. Ákvörðun byggir á erfiðleikum á mörkuðum fyrir kísilmálm og raskana á alþjóðamörkuðum í kjölfar tollastríðs. -
Framleiðsla stöðvuð á Bakka - 80 manns sagt upp
Kísilverið á Bakka hefur tilkynnt um tímabundna rekstrarstöðvun frá miðjum júlí. Þetta kemur fram í tilkynningu frá PCC BakkiSilicon hf. í gærkvöld. -
Sólarhringssund Óðins árið 2025
Hið árlega sólarhringssund fór fram dagana 23. og 24. apríl þar sem iðkendur úr keppnishópum mættu og syntu boðsund í hollum. Aldrei, svo ég muni, hefur sundhópurinn sem synt hefur í sólahringsundinu verið jafn ungur en elstu iðkendurnir okkar í dag eru á 15 ári að frátöldum krókódílum og görpum. -
Spretta fer feikivel af stað og lofar góðu fyrir sumarið
„Það er ástæða til að hvetja bændur til að huga vel að skepnum í þessum miklu hlýindum og það á auðvitað líka við um gæludýraeigendur almennt. Það verður að tryggja að dýrin hafi aðgang að vatni og eins að komast í skugga,“ segir Sigurgeir Hreinsson framkvæmdastjóri Búnaðarsambands Eyjafjarðar. Mikil hlýindi hafa verið ríkjandi undanfarna viku og hiti verið umtalsverður. -
Hverfisráð Hríseyjar fagnar samstarfsvilja Vegagerðar
Hverfisráð Hríseyjar fagnar samstarfsvilja Vegagerðar varðandi fyrirhugaða hækkun á gjaldskrá í Hríseyjarferju. -
Útgerðarfélag Akureyringa er áttatíu ára í dag. - Tímamótanna minnst með ýmsum hætti –
Útgerðarfélag Akureyringa var formlega stofnað 26. maí 1945 og er félagið því 80 ára í dag. Nokkrum vikum áður eða 14. mars 1945 var boðað til undirbúningsfundar til að kanna áhuga á stofnun útgerðarfélags í bænum, með það fyrir augum að sækja um heimild til skipakaupa til ríkisstjórnarinnar.
