Nýtt tónleikaár hjá SN gengur í garð með heimsókn Sinfóníuhljómsveitar Íslands
Bryndís Halla Gylfadóttir
Vetrardagskrá Sinfóníuhljómsveitar Norðurlands verður fjölbreytt og litrík í vetur. Hún hefst á því að SN býður Sinfóníuhljómsveit Íslands velkomna föstudaginn 21. september næstkomandi. Tvö meistaraverk verða á efnisskránni Sellókonsert nr. 1 í C-dúr eftir Haydn og Sinfónía nr. 5 eftir Tchaikovsky sem ber höfundi sínum fagurt vitni. Einleikari í sellókonsert Haydns er Bryndís Halla Gylfadóttir sem er Íslendingum að góðu kunn fyrir framúrskarandi leikgleði og syngjandi flutningsmáta.
Ilan Volkov, aðalhljómsveitarstjóri Sinfóníuhljómsveitar Íslands, er mikill hvatamaður að auknum samskiptum á milli flytjenda og áheyrenda og hefur frá komu sinni til Íslands verið atkvæðamikill í flutningi nýrrar tónlistar. Hann stjórnar nú sínum fyrstu tónleikum á landsbyggðinni. Framhaldið á vetrardagsskrá SN heldur áfram í nóvember en þá verður boðið upp á litríka kammertónleika þar sem samspil píanós, fiðlu og trompets hljómar. Fyrstu helgina í aðventu þegar jólatilhlökkunin og jólaljósin kvikna mun hinn heillandi tenór Gissur Páll Gissurarson ásamt barnakórum Akureyrarkirkju stíga á stokk og flytja mörg uppáhaldsjólalög þjóðarinnar ásamt hinu fallega verki Snjókarlinum eftir Howard Blake. Í febrúar verður boðið upp á glæsilega óperutónleika þar sem SN og efnilegir og langt komnir nemendur frá söngdeild Tónlistarskólans á Akureyri og óperudeild Söngskóla Sigurðar Demetz sameina krafta sína og flytja valda kafla úr óperum Bellinis. Mars hefst á kammertónleikum þar sem rómantík og létt stemning mun ráða ríkjum. Í lok sama mánaðar verða að venju Stórtónleikar á skírdag. Nemendur Tónlistarskólans á Akureyri og Ungsveit Sinfóníuhljómsveitar Íslands, ganga til liðs við SN og fara í ferðalag um tímann þar sem ástríðufull sinfónía nr. 6 eftir Tchaikovsky og Star Wars svíta eftir John Williams munu kallast á. Þegar dregur að lokum tónlistarársins í apríl verður leikið á litróf tilfinninganna með barokktónleikum í samstarfi við Kór Akureyrarkirkju og Barokksmiðju Hólastiftis svo búast má við fjölmennum og kraftmiklum tónleikum, segir í tilkynningu.
Nýjast
-
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann.
