Númer eitt er að okkur hætti að fækka
Guðný Sverrisdóttir hefur verið ráðin sveitarstjóri í Grýtubakkahreppi, en starfinu ætti hún að vera kunnug, hefur gengt því undanfarin 23 ár.„Mér líst bara vel á þetta, sveitarfélagið stendur vel fjárhagslega og atvinnuástand er afar gott,“ segir Guðný. „Nú hefur ákveðinn kafli í sögu sveitarfélagins verið skráður og það er alltaf gaman að fá tækifæri til að vera með í að skrifa næsta kafla. Ég hlakka til að vinna áfram að framgangi sveitarfélagsins.“
Guðný segir að ýmis verkefni séu framundan, en í nýrri þriggja ára áætlun sé meðal annars gert ráð fyrir að hafnar verði endurbætur á sundlaug staðarins, götur verði malbikaðar og farið verði í framkvæmdir á vegum vatnsveitu. „Svo hef ég mikinn áhuga fyrir því að við hefjum þróunarvinnu, setjumst í rólegheitum yfir það hvernig við viljum sjá sveitarfélagið þróast til framtíðar,“ segir Guðný. Þá nefnir hún einnig að yfir standi vinna við gerð aðalskipulags sem ná mun til ársins 2020 og í því verði gert ráð fyrir að þéttbýlið í Grenivík stækki og að sveitarfélagið geti orðið að um 500 manna byggðalagi. Nú eru íbúar 336 talsins og hefur þeim fækkað á umliðnum árum. „Það er númer eitt að okkur hætti að fækka og við verðum að leita allra ráða til að svo verði sem og einnig að stefna að því að íbúum fjölgi hér á nýjan leik,“ segir Guðný.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.