Nemendum fjölgar í Grímsey og Hrísey
Skólastarf í Grímsey og Hrísey hófst á dögunum og fjölgar grunnskólanemendum á báðum stöðum. Tólf nemendur hófu nám í Grímseyjarskóla og er það fjölgun um einn frá því í fyrra. Alls eru 15 nemendur í skólanum, því þrír krakkar eru í leikskólanum sem er samtvinnaður grunnskólanum. Kennt er upp í 8. bekk og eru tveir nemendur í 1. og 2. bekk og þrír í 4. bekk, en einn nemandi í hverjum fimm hinna bekkjanna. Hulda Signý Gylfadóttir skólastýra, segir veturinn lofa góðu.
„Þetta skólaár leggst bara vel í okkur og það er gaman að krökkunum skuli fjölga þó það sé ekki nema um einn,” segir Hulda. Hún segir misjafnt hvert krakkarnir fara þegar áttunda bekk líkur, en yfirleitt sé það til ættingja upp á landi. „Foreldrunum þykir nú best að vita af krökkunum hjá skyldfólki,” segir Hulda.
Þórunn Arnórsdóttir skólastýra í Hrísey, segir skólastarfið fara vel af stað á þeim bænum en þar er kennt frá 1.-10. bekk. „Hér eru allir jákvæðir og spenntir að takast á við veturinn. Fyrstu vikuna vorum við með skólaleika, þar sem við skiptum krökkunum í hópa og höfðum allskonar keppnir og þess háttar,” segir hún. Líkt og Grímseyjarskóli samanstendur Hríseyjarskóli af grunnskóladeild og leikskóladeild. Í grunnskólanum eru 22 nemendur en 14 í leikskólanum. Grunnskólanemendum fjölgar um þrjá frá því í fyrra. Sjötti bekkurinn er fjölmennastur með sex nemendur en einn nemandi er í 10. bekk.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.