Nautakjöt beint frá býli
Einar Örn Aðalsteinsson
Þetta hefur átt sér nokkuð langan aðdraganda. Við feðgarnir fórum í upphafi á Vaxtarsprotanámskeið hjá Nýsköpunarmiðstöð Íslands, þar sem meðal annars var unnin viðskiptaáætlun fyrir þetta verkefni. Gömlu mjólkurhúsi var breytt í fyrsta flokks kjötvinnslu, sem uppfyllir allar þær kröfur sem gerðar eru til slíkrar starfsemi og í dag er staðan sú að við höfum leyfi til að selja afurðir frá búinu til heimila, mötuneyta og veitingataða. segir Einar Örn Aðalsteinsson framkvæmdastjóri kjötvinnslunnar í Garði í Eyjafjarðarsveit.
Sala á nautakjöti frá Garði hófst í haust og hafa viðtökurnar verið góðar.
Neytendur virðast vilja versla beint við bóndann og fá þannig tryggingu fyrir uppruna og gæðum vörunar. Bændurnir hérna eru menntaðir búfræðingar og við kjötvinnsluna starfar faglærður kjötiðnaðarmaður.
Í vefversluninni nautakjot.is er hægt að panta kjötið, einnig er hægt að kaupa kjöt í Kaffi kú, sem er kaffihús yfir fjósinu í Garði. Kaffihúsið er opið allar helgar, annars eftir samkomulagi.
Við erum með fjóra mismunandi kjötpakka, sem hafa mælst vel fyrir. Svo er líka hægt að panta hjá okkur aðrar útfærslur, við leggjum okkur fram um að sinna öllum óskum viðskitavinanna. Við seljum okkar vörur um land allt og lítum svo á að landið sé eitt markaðssvæði, kjötið er sent með landflutningum án kostnaðar fyrir viðskiptavini og þá sendum við frítt heim á Akureyri,
segir Einar Örn Aðalsteinsson framkvæmdastjóri kjötvinnslunnar í Garði í Eyjafjarðarsveit.
karleskil@vikudagur.is
Nýjast
-
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann.
