Mótmæla staðsetningu hjúkrunarheimilis
Í hádeginu í dag voru þeim Geir Kristni Aðalsteinssyni forseta bæjarstjórnar og Oddi Helga Halldórssyni formanni bæjarráðs afhentar 120 undirskriftir starfsmanna á Öldrunarheimilum Akureyrar. Það var Helga Guðrún Erlingsdóttir hjúkrunarforstjóri sem afhenti undirskriftirnar, sem voru til að mótmæla staðsetningu á nýju hjúkrunarheimili sem á að rísa í Naustahverfi, beint fyrir ofan gamla Naustabæinn. Staðsetningin gengur þvert á þá hugmyndafræði sem unnið er eftir á Öldrunarheimilum Akureyrar. Bæði þeir Geir Kristinn og Oddur Helgi sögðust myndu skoða þessar athugasemdir vel þó breytingar á þessu stigi væru augljóslega nokkuð erfiðar. Hins vegar svöruðu þeir spurningu Vikudags um hugsanlegar tafir á framkvæmdum ef staðsetningu yrði breytt þannig, að verkið myndi ekki endilega tefjast, en það gæti hins vegar haft í för með sér einhvern kostnaðarauka að breyta staðsetningunni.
Hugmyndafræðin sem starfsfólk Öldrunarheimilanna vísar til, kallast “Eden-hugmyndafræði” og leggur hún mikla áherslu á að skapa heimili og umhverfi þar sem einstaklingurinn getur lifað fjölbreyttu og innihaldsríku lífi þrátt fyrir þverrandi heilsu og minnkandi færni. Því er, eins og segir í yfirskrift undirskriftalistans, áhersla á að “hjúkrunarheimili séu staðsett í grónum íbúðahverfum í nálægð við skóla, leikskóla og fjölbreytt mannlíf. Með slíkri staðsetningu er auðvelt fyrir íbúa hjúkrunarheimila að fara út í umhverfið og/eða fylgjast með daglegu lífi út um gluggana. Einnig er auðvelt fyrir stóra og smáa gesti að koma í heimsóknir og gleðja íbúanna með nærveru sinni.”
Ekki er beinlínis lögð til tiltekin ný staðsetning fyrir hjúkrunarheimilið, en ljóst er að til greina kemur að finna því stað við Vestursíðu, enda mun sú staðsetning falla betur að Wden-hugmyndafræðinni en að setja heimilið niður í útjaðri bæjarins.Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.