Mikill baráttusigur hjá Akureyri
Seint verður sagt að í þessum leik hafi verið leikinn fallegasti handbolti sem sögur fara af en aftur á móti má segja að sjaldan hafi sést jafn mikil ákveðni og baráttuvilji á gólfi Íþróttahallarinnar eins og leikmenn Akureyrar sýndu í dag.
Varnarleikur liðsins var frábær og væri ósanngjarnt að taka einn mann út þar því allir stóðu svo sannarlega fyrir sínu. Þó verður að minnast á frábæran leik Hafþórs Einarssonar í markinu sem varði hvorki fleiri né færri en 23 skot.
Sóknarlega var nokkuð bras á liðinu en segja má að menn hafi stigið upp þegar á þurfti að halda. Leikurinn var í járnum lengst af en Akureyri þó alltaf skrefinu á undan. Um miðbik seinni hálfleiks náði Akureyri þriggja marka forystu 18-15 en Stjörnunni tókst að minnka þann mun í eitt mark þegar ekki nema rúmar tvær mínútur lifðu leiks.
Oft hefur verið vandamál hjá Akureyri að klára leikina með sigri í þessari stöðu en svo var ekki að þessu sinni. Nánast hver maður á vellinum var tilbúinn en sér í lagi Jónatan Magnússon sem skoraði tvö af alls sex mörkum sínum á síðustu mínútunni og tryggði Akureyri sigurinn.
Mörk Akureyrar dreifðust raunar vel á liðið í kvöld þar sem stórskyttan Árni Sigtryggsson hafði óvenju hægt um sig, en alls skoruðu átta manns mörkin 22 fyrir liðið.
,,Þetta var hörkuleikur og við vorum alveg staðráðnir í að gera okkar besta og sýna okkar fólki að við erum góðir í handbolta. Ég viðurkenni alveg að þetta var ekki fallegasti handbolti sem hefur verið spilaður en baráttan var til staðar og við höfðum alveg rosalega gaman af þessu og ég held að það hafi skilað sér til áhorfenda. Ég vil líka taka það fram að ég stóð við stóru orðin sem ég lét falla í Vikudegi í dag," sagði Andri Snær Stefánsson glaður að leik loknum.
Hann var sammála því að varnarleikur liðsins hafi verið lykillin af sigrinum: ,,Við erum eitt besta varnarlið landsins þegar við eigum góðan leik og Haffi (Hafþór Einarsson) er enn að komast í sitt besta form en var frábær í kvöld. Svo loksins tókum við á skarið í kvöld í sóknarleiknum þegar á þurfti að halda eins og við höfðum talað um að gera. Það má segja að næstum allt hafi gengið upp í kvöld," sagði Andri Snær áður en hann fór að fagna með félögum sínum.
Sigurinn í kvöld hjá Akureyri var liðinu afar mikilvægur enda sá fyrsti í deildinni þennan veturinn. Liðið lyfti sér með sigrinum upp í sjötta sæti deildarinnar. Næsti leikur liðsins er í KA-heimilinum gegn liði Reykjanesbæjar í bikarkeppninni á laugardag.
Mörk: Akureyrar: Jónatan Magnússon 6/1, Andri Snær Stefánsson 5/1, Árni Sigtryggsson 3, Oddur Grétarsson 3, Heiðar Þór Aðalsteinsson 2, Hörður Fannar Sigþórsson 1, Elfar Halldórsson 1, Gústaf Línberg Kristjánsson 1.
Nýjast
-
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna.