Mikil óvissa hjá Norlandair og framkvæmdum á Akureyri slegið á frest
Styrkir vegna áætlunarflugs frá Akureyri til Þórshafnar og Vopnafjarðar falla niður í árslok 2013. Mynd: Hörður Geirsson.
Okkur hefur verið tilkynnt að eftir að núgildandi samningur rennur út í lok árs 2013 verði áætlunarflug frá Akureyri til Þórshafnar og Vopnafjarðar ekki styrkt. Engin ákvörðun hefur verið tekin enn um hvort flug mnilli Akureyrar og Grímseyjar verði styrkt áfram eða skrúfað fyrir það líka, segir Friðrik Adolfsson framkvæmdastjóri Norlandair. Fyrirtækið hefur um árabil annast áætlunarflug á þessa staði. Ríkið hefur styrkt áætlunarflug á áðurnefnda staði og voru þeir um síðustu áramót framlengdir til tveggja ára þannig að þeir renna út um áramótin 2013 til 2014.
Það er alveg ljóst að ef átælunarflug til þessara staða út frá Akureyri leggst af, þá þurfum við að íhuga okkar stöðu hér. Um 90% af okkar tekjum koma vegna flugs til og frá Grænlandi og það væri því skynsamlegast fyrir okkar að flytja okkar starfsemi þangað. Við höfum fyrst og fremst verið með rekstur fyrirtækisins á Akureyri vegna áætlunarflugsins á norðausturhorn landsins og til Grímseyjar, en það þjónar engum tilgangi í sjáflu sér að vera með starfsemina hér þegar þetta flug verður lagt af, segir Friðrik. En við munum skoða þetta betur þegar þar að kemur.
Hann segir að áætlunarflug til áðurnefndra staða standi ekki undir sér, forsendur þess að hægt sér að halda því úti séu styrkir frá ríkinu. Þessu flugi er sjálfhætt um leið og ríkið hættir að stykja það, segir Friðrik. Hann kvaðst vita til þess að íbúar í sveitarfélögunum kvíði því þegar sá dagur rennur upp á áætlunarflugi verður hætt. Norlandair flýgur fimm sinnum í viku til Vopnafjarðar og Þórshafnar. Þá er flogið þrisvar í viku til Grímseyjar, en ekki liggur enn fyrir hvort það flug njóti styrkja eftir árið 2013.
Friðrik segir að á allar framkvæmdir á vegum fyrirtækisins hafi verið settar í biðstöðu. Þörf er á að stækka flugskýli félagsins á Akureyrarflugvelli, en áformum þar um hefur verið slegið á frest. Við höfum ekki um annað að velja en að halda að okkur höndum á meðan staðan er svona, segir Friðrik. Norlandair hefur átt í viðræðum við heimamenn á Sauðárkróki um möguleika á að fljúga þaðan og til Reykjavíkur og segir Friðrik að þau mál séu til skoðunar innan fyrirtækisins. Við erum að fara yfir málið, segir hann.
Nýjast
-
Súlur 2025 eru komnar út
Ársrit Sögufélags Eyfirðinga er komið út og færir alls 12 greinar er varða ýmist fortíð eða nútíð. -
Skemmtileg hefð
Þann 10. júní síðastliðinn komu skemmtiferðaskipin Emerald Princess (Princess Cruises) og Viking Vela (Viking Ocean Cruises) í sínar fyrstu heimsóknir til Akureyrar. -
Bíladagar eru að hefjast á Akureyri
Bíladagar á Akureyri hefjast á morgun, föstudaginn 13. júní. Öll formleg dagskrá fer fram á aksturssvæði Bílaklúbbs Akureyrar við Hlíðarfjallsveg, fyrir utan bílasýninguna 17. júní í Boganum. -
Fundað með forsætisráðherra um stöðu Norðurlands eystra
Sveitarstjórar sveitarfélaga innan SSNE og framkvæmdastjóri samtakanna áttu í morgun fund með Kristrúnu Frostadóttur forsætisráðherra, þar sem þau lýstu áhyggjum af stöðu flutningskerfis raforku á svæðinu. Fundurinn var haldinn að frumvæði sveitarfélaganna sem vilja tryggja að raforkuinnviðir hamli ekki áframhaldandi atvinnuuppbyggingu á Norðurlandi eystra. -
Penninn á Akureyri 25 ára
„Verslun okkar á Akureyri er með vinsælli verslunum okkar,“ segir Ingimar Jónsson forstjóri Pennans. Nú eru 25 ár liðin frá því Penninn Eymundsson opnaði verslun sína á Akureyri og af því tilefni verða allar vörur á 25% afslætti fimmtudag, föstudag og laugardag. -
Heilbrigðiskerfið í bakkgír
Velferðarnefnd hefur haft til umfjöllunar nú í vor frumvarp til laga um breytingar á lögum um sjúkratryggingar. Yfirlýst markmið þessa frumvarps er að stytta þann tíma sem tekur að bjóða upp á nauðsynlega heilbrigðisþjónustu og þar með tiltekna meðferð. Á meðal þeirra breytinga sem lagðar eru til er að fest verði í lög ákvæði um greiðsluþátttöku fyrir læknismeðferð erlendis vegna biðtíma hér á landi. -
SAk tryggt fé til kaupa á heilaörvunartæki
Heilbrigðisráðherra hefur tryggt fjármagn sem gerir Sjúkrahúsinu á Akureyri (SAk) kleift að innleiða heilaörvunarmeðferð einstaklinga með meðferðarþrátt þunglyndi. Áætlað er að á upptökusvæði SAk séu um 240 einstaklingar sem gætu nýtt sér slíka meðferð árlega. Rannsóknir sýna að meðferðin skilar miklum árangri, eða um 60-70% í hópi einstaklinga sem þjást af meðferðarþráu þunglyndi en hafa lítið gagn af hefðbundinni meðferð, s.s. lyfjum og hugrænni atferlismeðferð. -
Framsýn og FSH skrifa undir nýjan kjarasamning
Stjórnendur Framsýnar og Framhaldsskólans á Húsavík hafa undanfarið átt í viðræðum um nýjan stofnanasamning fyrir starfsmenn skólans sem starfa eftir kjarasamningi félagsins. Viðræðurnar gengu mjög vel og kláruðust þær í gærmorgun með undirskrift aðila. -
Akureyri Open í frisbígolfi fór fram um helgina
Um helgina fór fram Gull- og Silfurmótið Akureyri Open í boði Sportver. Mótið var haldið af Frisbígolffélagi Akureyrar og fór fram á frisbígolfvellinum við tjaldstæðið á Hömrum. Keppnin stóð yfir í þrjá daga og tóku 83 keppendur þátt víðsvegar að af landinu. Þrátt fyrir að veðrið hafi ekki verið upp á sitt besta létu keppendur það ekki trufla sig og stemningin var frábær alla helgina.
