Mikið tjón varð í húsnæði JMJ vegna vatns og gufu
Miklar skemmdir urðu á bókum sem voru í kössum á gólfi í herbergi á 2. hæð.
Mikið tjón, sem ekki hefur verið metið til fjár, varð í húsnæði JMJ við Gránufélagsgötu á Akureyri þegar fjórir ofnar á 2. hæð hússins sprungu í gærkvöld eða nótt og heitt vatn flæddi um öll gólf, auk þess sem mikill gufa var í húsnæðinu. Vatn flæddi einnig niður í verslun JMJ á jarðhæð hússins og olli skemmdum þar en þó ekki á fatnaði. Sigurður Kristján Guðmundsson uppstoppari, er með aðstöðu á 2. hæðinni og hjá honum voru um 50 uppstoppaðir fuglar, hrafnar, svartfugl og gæsir og einnig ísbjörn. Sigurður sagði að ísbirninum hafi verið komið í gjörgæslu til Haraldar Ólafssonar strax í morgun. Haraldur vinnur nú að því að þurrka ísbjörninn, sem hann og Sigurður stoppuðu upp fyrir Náttúrufræðistofnun Íslands. Haraldur vonast til að hægt verði að bjarga ísbirninum en hann beitir m.a. nálustunguaðferð við reyna að halda réttri lögun hans. Sigurður óttast hins vegar að fuglarnir séu mikið skemmdir ef ekki ónýtir. Heitt vatn og gufa sé eitthvað sem ekki fari vel með uppstoppaða gripi. Einnig urðu skemmdir í öðrum herbergjum á 2. hæðinni og m.a. urðu miklar skemmdir á bókum sem voru í kössum á gólfi í einu þeirra. Þarna eru einnig bókhaldsskrifsta, húðflúrstofa og saumastofa og flæddi vatn um alla hæðina. Vatn lak einnig niður í verslun JMJ á jarðhæðinni og segir Ragnar Sverrisson kaupmaður, að fötin hafi sloppið að mestu leyti en að gólfefnið sé ónýtt og einhverjar skemmdir hafa orðið á innréttingum sem standa á gólfinu. Einnig er talið að vatn hafi flætt undir parkettið í versluninni Joes sem einnig er á jarðhæðinni. Ragnar segir að þetta óhapp muni þó ekki hafa áhrif á verslanir hans, sem eru og verða opnar eins og áður. Ragnar segir að heita vatnið hafi verið tekið af húsinu í gær, þar sem verið er að vinna við lagnir í götunni. Það sé hins vegar sín tilfinning að vatninu hafi verið hleypt á að nýju af heldur miklu krafti, þar sem fjórir ofnar sprungu í framhaldinu. Þetta sé eitthvað sem menn verði að læra af.
Slökkviliðsmenn á Akureyri, sem kallaðir voru út á níunda tímanum í morgun, notuðu dælur við að hreinsa upp vatnið og í framhaldinu komu starfsmenn frá ræstingafyrirtæki og hreinsuðu upp það sem eftir var.
Nýjast
-
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann.
