Metár í umferðinni á Hringveginum
Víkurskarð. Mynd úr safni
Árið 2016 var algert metár í umferðinni á Hringveginum en umferðin jókst um ríflega 13 prósent „sem er gríðarlega mikil aukning á einu ári“. Þetta kemur fram á vef Vegagerðarinnar.
Hlutfallslega jókst umferð meira á landsbyggðinni en á höfuðborgarsvæðinu og mest á Austurlandi eða 30,7 prósent miðað við 2015. Á Norðurlandi hefur umferð aukist töluvert eða um 17,1 prósent yfir árið og 27,9 prósent á milli desembermánaða 2015 og 2016. Til samanburðar jókst umferð um Hringveg á Norðurlandi um 12,9 prósent á milli desembermánaða 2014-2015 og yfir árið á sama tímabili um 7,7 prósent.
Á landsvísu er aukningin nærri tvöföld á við aukninguna sem næst kemur á milli áranna 2006 og 2007 sem var 6,8 prósent. Aldrei fyrr hafa jafnmargir bílar farið um mælipunkta Vegagerðarinnar á Hringveginum. Sama á við um nýliðinn desembermánuð en umferðin jókst um ríflega 21 prósent í mánuðinum. „Vafalaust eru nokkrar ástæður fyrir því að umferðin á Hringvegi eykst svona eins og hún hefur gert. Vegagerðin hefur bent á fylgni umferðar við hagvöxt, aukningu ferðamanna og síðan mætti ímynda sér að góð færð á vegum yfir vetrarmánuði hafi mikið að segja,“ segir á vef Vegagerðarinnar.
Aukin umsvif í sambandi við iðnaðaruppbyggingu á Bakka við Húsavík hefur eflaust sitt að segja einnig varðandi umferðaraukningu á Norðausturlandi. Aukin umferð á þessu svæði hlýtur jafnframt að gefa hugmyndum um að vegtollar muni standa undir kostnaði við gerð Vaðlaheiðarganga byr undir báða vængi, að minnsta kosti ef þessi þróun heldur áfram.
Nýjast
-
Glæsileg A-álma tekin í notkun í Glerárskóla
Ný og endurbætt A-álma hefur verið tekin í notkun í Glerárskóla. Gestum bauðst að líta á þær heilmiklu breytingar sem gerðar hafa verið á álmunni, en húsnæðið hefur verið endurnýjað á þann hátt að miklar breytingar hafa verið gerðar á vinnuumhverfi nemenda og starfsfólks. -
Fiskur frá smábátum dregur úr afköstum landvinnslunnar og bónusar starfsfólks lækka
Afköst í fiskvinnsluhúsum Samherja dragast verulega saman þegar keyptur er afli af strandveiðibátum til vinnslu. Starfsmaður sem hefur unnið í tæpa fimm áratugi hjá Útgerðarfélagi Akureyringa segir sláandi mun á gæðum hráefnis frá smábátum og togurum sem veiða á djúpslóð. Bónusar fiskvinnslufólks lækka þegar unninn er afli frá smábátum því mun tímafrekara er að verka fiskinn. -
Af slúbbertum og svörtum sauðum
Vísir birti nýlega frétt um nýútkomna skýrslu Viðskiptaráðs þar sem fjallað er um uppsagnarvernd opinberra starfsmanna. Sá sem fréttina ritar kýs að reyna að fá fleiri „smelli“ með því að leggja skýrsluhöfundi orð í munn eins og að kalla opinbera starfsmenn „slúbberta“. -
Félag eldri borgara á Akureyri sækir um lóðir við Þursaholt Hafnað því ekki er búið að ákveða hvernig á að úthluta lóðunum
Akureyrarbær hefur ekki tekið ákvörðun um hvernig lóðum við Þursaholt verður úthlutað. Umsókn Félags eldri borgara á Akureyri, EBAK sem sótti um lausar lóðir á svæðinu var því hafnað. -
Ofurþéttingarárátta samtímans
Skipulagsráð Akureyrarbæjar hefur lagt til að bæjarstjórn samþykki tillögu að breytingu á aðalskipulagi 2018-2030. Í greinargerð segir að gert sé ráð fyrir að uppbygging hefjist fyrst á svokölluðum Tjaldsvæðisreit auk þess sem unnið verði að undirbúningi uppbyggingar til blandaðrar landnotkunar á Akureyrarvelli. -
Fyrsta beina flug sumarsins til Amsterdam
Í dag er fyrsta beina flug sumarsins til Amsterdam, en það er á vegum Verdi Travel og Transavia Flogið verður vikulega á fimmtudögum, til 14. ágúst n.k. -
Ríkið tekur – landsbyggðirnar fá minna
Hjálmar Bogi Hafliðason skrifar -
Þegar samfélagið þagnar
Benóný Valur jakobsson skrifar -
Fólk greiðir hundruð þúsunda í dvalarkostnað vegna heilbrigðisþjónustu
Aðalfundur Krabbameinsfélagsins skorar á heilbrigðisráðherra að endurskoða greiðsluþátttöku vegna sjúkradvalar innanlands og tryggja, til dæmis með greiðsluþaki, að kostnaður sjúklings og aðstandenda vegna nauðsynlegrar dvalar á sjúkrahóteli sligi ekki fólk af landsbyggðinni.