Menntaskólinn á Akureyri settur í morgun
Jón Már Héðinsson skólameistari setti skólann og fram kemur á vef MA, að í ávarpi sínu hafi hann nefnt að í vetur hæfist starf samkvæmt nýrri námskrá, meðal annars með hinum nýja Íslandsáfanga, þar sem samkenndar eru allmargar greinar, um helmingur náms í fyrsta bekk. Í öðru lagi nefndi skólameistari að niðurskurður setti svip sinn á allmargt í starfinu þó að þess sé freistað að láta hann ekki koma niður á námi nemenda. Hann tók fram að nemendur gengju jafnan vel um hús og eignir skólans en hvatti til að þeir gerðu það enn betur, færu vel með húsgögn og svo framvegis vegna þess hve viðhald og viðgerðir kostuðu mikið fé.
Skólameistari áréttaði að nám í MA væri full vinna og skólinn miðaðist alls ekki við að nemendur ynnu launavinnu annars staðar. Ef þeir gerðu það mætti það ekki koma niður á námi, aðalstarfinu, heldur einhverju öðru. Hann talaði um gott, reglusamt, heilbrigt og þroskandi félagslíf nemenda, sem metnaður nemenda sjálfra stæði til að vernda og viðhalda. Allt félagslíf innan skólans og á vegum hans væri þannig áfengis- og vímuefnalaust. Hins vegar væri það félagslíf sem fram færi í trássi við vilja skólans og gegn reglum hans, hið óhefðbundna partístand eldri nemenda með fyrstubekkingum þar sem haft væri áfengi um hönd og hefði oft orðið til hættu og vandræða. Hann hvatti nemendur til að standa vörð um virðingu sjálfra sín og skólans, leggja þessar óheimilu samkomur niður. Nemendur fjórða bekkjar ættu í einu og öllu að vera fyrirmyndir yngri nemenda. Þá væri nauðsynlegt að foreldrar og forráðamenn tækju þátt í því að vernda börn sín og forða þeim frá vandræðum sem af þessu gæti hlotist.
Jón Már gat þess að miðað við upphaf skólans með Gagnfræðaskólanum á Möðruvöllum 1880 væri skólinn 130 ára á þessu almanaksári og þess yrði með einhverju móti minnst nú á haustönninni.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.