Lof óvissunnar
Það er hægt að vera viss í sinni sök. Eiga sér mörg baráttumál. Berjast fyrir þeim allt til enda. Það er líka hægt að vera óviss. Sjá fleiri hliðar en eina. Að þótt það verði að komast að ákveðinni niðurstöðu, þá þurfi hún ekki endilega að vera nákvæmlega sú sem maður var búinn að ákveða í upphafi að væri sú besta. Flestir eru vissir um sumt, en óvissari með annað. Óvissa er alls ekki löstur, ef vel er með hana farið.
Ég er í framboði til stjórnlagaþings. Í samskiptum mínum við aðra frambjóðendur hefur mér sýnst þeir flestir hafa þau mál sem skipta þá mestu, en um leið gert sér grein fyrir að ritun nýrrar stjórnarskrár verður samvinnuverkefni þar sem fólk ræðir saman og kemst að sameiginlegri niðurstöðu. Mér líst nokkuð vel á þetta.
Það sem mér finnst mestu máli skipta er að breyta valdahlutföllunum í stjórn landsins. Það þarf að leita allra leiða til að draga úr „ráðherraræðinu" svokallaða, og styrkja á móti völd alþingis og sjálfstæði dómstólanna. Og þær eru margar sem hafa komið fram nú þegar: Að ráðherrar sitji ekki á alþingi. Að takmarka kjörgengi alþingismanna og ráðherra til embættis forseta Íslands, auk dómara. Að færa frumkvæði að stjórnarfrumvörpum og reglugerðum frá ráðuneytum til þingnefnda. Takmarka völd Dómsmálaráðherra til þess að skipa dómara, svo nokkuð sé nefnt.
Ég er hlynntur jöfnun atkvæðavægis, en ég óttast að það að gera landið að einu kjördæmi ýti undir miðstýringu, ráðherraræði og jafnvel enn óbilgjarnari flokkslínur. Vænlegra gæti verið að fækka kjördæmum samfara jöfnun atkvæða, það hefur sína kosti gegn flokksræðinu að þingmenn geti sett skyldur sínar við kjósendur í héraði ofar hagsmunum þeirra flokksfélaga sinna sem leggja línurnar.
Svo finnst mér fleira um mörg mál, og um þau má fræðast á framboðssíðum mínum (bæði bloggi og fasbókarsíðu). En þetta finnst mér mestu máli skipta.
Við þurfum að semja okkur nýja stjórnarskrá. Við, ég og þú. Stjórnarskrárfrumvarpið mun þurfa að fara í gegnum hendur alþingis. Og þar skiptir miklu máli hversu mikinn stuðning stjórnlagaþingið hefur frá þjóðinni. Svo umfram allt, farðu og nýttu atkvæði þitt á laugardaginn kemur. Það er sama hverja þú kýst, svo lengi sem þú ferð og kýst þá sem þér líst best á. Það er ekki flóknara en þetta:
Að kjósa til stjórnlagaþings er þónokkuð létt.
Þú þarft bara lista af snillingum, þjörkum og vinum.
Og síðan er gott að sjá til að þetta sé rétt:
Þú setur þann besta efst, og raðar svo hinum.
Höfundur er í framboði til stjórnlagaþings nr. 3502.
Nýjast
-
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu.