Líst mjög vel á nýtt starf
Friðjón Jónsson mjólkurfræðingur er ekki ókunnugur rekstri MS Akureyri en hann hefur starfað um árabil hjá fyrirtækinu.
Mér líst mjög vel á að taka við þessu starfi og hlakka til, segir Friðjón Guðmundur Jónsson sem tekur við starfi mjólkurbússtjóra MS á Akureyri 1. október næstkomandi, en þá lætur Sigurður Rúnar Friðjónsson af störfum. Sigurður Rúnar hefur verið mjólkurbússtjóri á Akureyri frá ársbyrjun 2007, fyrst hjá Norðurmjólk og síðan MS á Akureyri og mun starfa hjá vöruþróunardeild MS í Reykjavík.
Friðjón er mjólkurfræðingur og hefur um árabil starfað í mjólkursamlaginu á Akureyri. Ég byrjaði sem unglingur hjá Mjólkursamlagi KEA sem þá var árið 1977 og þá kviknaði áhuginn, segir Friðjón, en hann hélt utan til Danmerkur til náms í mjólkurfræði. Síðar hefur hann einnig lokið námi frá Háskóla Íslands, fyrst í rekstri og stjórnun árið 1996 og í mannauðsstjórnun árið 2000.
Friðjón segir að til standi nú í haust og á næsta ári að endurnýja tækjakost samlagsins, nýjar skilvindur verða teknar í notkun síðar í haust og þá eru væntanleg glæný tæki til ostagerðar þegar kemur fram á nýtt ár. Hjá MS-Akureyri eru árlega framleidd um 3000 tonn af ostum, en um 60% af innveginni mjólk hjá samlaginu eru nýtt til ostagerðar.
Þessi nýju tæki gera okkur betur í stakk búin til að mæta aukinni samkeppni á ostamarkaði, segir Friðjón, en um heilmikla fjárfestingu er að ræða og er horft til framtíðar í þeim efnum. Hjá MS Akureyri vinna um 80 manns og er starfsstöðin sú þriðja fjölmennasta innan Mjólkur-samsölunnar.
Nýjast
-
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann. -
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku. -
Framkvæmdir að hefjast við nýtt svæði á Torfunefsbryggju Samið um fyrstu bygginguna
Samningur milli HN og verktakafyrirtækisins Húsheildar/Hyrnu um byggingu fyrsta hússins á Torfunefssvæðinu hefur verið undirritaður og markar ákveðin skref í uppbyggingu svæðisins.
