Líflegt á fæðingadeildinni það sem af er ári
Sigríður Ásta Björnsdóttir í skoðun hjá Eddu Guðrúnu Kristinsdóttur ljósmóður, í annarri af tveimur nýuppgerðum fæðingastofunum.
Það hefur verið líflegt á fæðingadeild Sjúkrahússins á Akureyri það sem af er ári. Fyrstu sex mánuði ársins fæddust þar 255 börn í 252 fæðingum og þar var voru þrjár tvíburafæðingar, samkvæmt upplýsingum Eddu Guðrúnar Kristinsdóttur ljósmóður. Fyrstu sex mánuði síðasta árs voru fæðingarnar 185. Janúar í ár var einstaklega líflegur en þá voru fæðingarnar 50 talsins en undanfarin 10 ár hafa fæðingar í janúar verið að meðaltali 36. Árið 2011 voru fæðingar á fæðingadeild Sjúkrahússins á Akureyri alls 393, þar af fimm tvíburafæðingar og var heildarfjöldi barna því 398. Árið 2010 var metfjöldi fæðinga á deildinni. Það ár voru fæðingarnar alls 515 og börnin 521 en tvíburafæðingar voru 6 talsins.
Umfangsmiklar endurbætur hafa staðið yfir á fæðingadeildinni síðustu mánuði. Edda Guðrún segir að búið sé að taka tvær endurnýjaðar fæðingastofur í notkun og að mikil hamingja sé með allan aðbúnað þar. Framkvæmdir standa enn yfir á setustofu og tveimur legustofum en það er farið að styttast í að þeim ljúki, segir Edda Guðrún.
Nýjast
-
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann. -
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku. -
Framkvæmdir að hefjast við nýtt svæði á Torfunefsbryggju Samið um fyrstu bygginguna
Samningur milli HN og verktakafyrirtækisins Húsheildar/Hyrnu um byggingu fyrsta hússins á Torfunefssvæðinu hefur verið undirritaður og markar ákveðin skref í uppbyggingu svæðisins. -
Hinsegin hátíð á Norðurlandi eystra
Hinsegin hátíð á Norðurlandi eystra verður haldin í fyrsta skiptið dagana 18.–22. júní 2025. Öll sveitarfélög á Norðurlandi eystra standa að hátíðinni og stefnt er að því að viðburðir fari fram sem víðast í öllum landshlutanum. -
Magnaði Mendelssohn
Felix Mendelssohn (Bartholdy) er talinn hafa verð einn mesti tónsnillingur allra tíma. Undrabarn sem á sinni stuttu 38 ára æfi samdi eina fallegustu tónlist veraldar. Jafnvel önnur tónskáld kölluð hann "hinn nýja Bach" m.a. Liszt, Schumann og Berlioz. -
Glæsileg A-álma tekin í notkun í Glerárskóla
Ný og endurbætt A-álma hefur verið tekin í notkun í Glerárskóla. Gestum bauðst að líta á þær heilmiklu breytingar sem gerðar hafa verið á álmunni, en húsnæðið hefur verið endurnýjað á þann hátt að miklar breytingar hafa verið gerðar á vinnuumhverfi nemenda og starfsfólks. -
Fiskur frá smábátum dregur úr afköstum landvinnslunnar og bónusar starfsfólks lækka
Afköst í fiskvinnsluhúsum Samherja dragast verulega saman þegar keyptur er afli af strandveiðibátum til vinnslu. Starfsmaður sem hefur unnið í tæpa fimm áratugi hjá Útgerðarfélagi Akureyringa segir sláandi mun á gæðum hráefnis frá smábátum og togurum sem veiða á djúpslóð. Bónusar fiskvinnslufólks lækka þegar unninn er afli frá smábátum því mun tímafrekara er að verka fiskinn. -
Af slúbbertum og svörtum sauðum
Vísir birti nýlega frétt um nýútkomna skýrslu Viðskiptaráðs þar sem fjallað er um uppsagnarvernd opinberra starfsmanna. Sá sem fréttina ritar kýs að reyna að fá fleiri „smelli“ með því að leggja skýrsluhöfundi orð í munn eins og að kalla opinbera starfsmenn „slúbberta“.
