Léttara og betra að þrífa hænsnakofann
Siguður Sigmarsson er ánægður með núju sköfuna
Ég er mjög ánægður, það er léttara og betra að þrífa hænsnakofann, segir Sigurður Sigmarsson, en hann er umsjónarmaður með hænsnahaldi á Dvalarheimilinu Hlíð á Akureyri, gjarnan kallaður Siggi kóngur. Nokkrir krakkar í Naustaskóla hönnuðu fyrir hann sérstaka sköfu til að þrífa hænsnakofann en fyrir hönnun sína hlutu þeir verðlaun í keppni sem ber nafnið First lego league.
Íbúar á Hlíð halda 14 íslenskar hænur og þar er líka einn hani. Sigurður ber hitann og þungann af umhirðunni, en nemendur í keppnisliði Naustaskóla unnu að verkefni sínu í samvinnu við hann. Verkefnið í ár átti að snúast um lausn fyrir eldri borgara.
Nemendur heimsóttu Sigga í hænsnakofann og hann leit einnig við á nemendadegi þeirra.
Liðsmenn fengu gamla brotna snjósköfu í hendur og gerðu hana upp, m.a. sneru þeir henni við og gerðu meira kúpta þannig að auðveldara er að draga skítinn og sagið að sér og setja upp í skófluna og í fötu. Skaftið er léttara en á venjulegum sköfum og lengd hennar gerir að verkum að Sigurður þarf ekki að beygja sig þegar hann sinnir störfum sínum í hænsnakofanum.
Alls eru sjö nemendur á unglingastigi í keppnisliði Naustaskóla, Magnús Geir Björnsson, Almar Daði Björnsson, Elvar Orri Brynjarsson, Hildur Dóróthea Þórðardóttir, Brynjar Helgason, Júlíus Fannar Thorarenssen og Baldur Bergsveinsson, þjálfari þeirra er Magnús Jón Magnússon kennari. Hópurinn er nú að hefja söfnun, en hann vann sér rétt til að taka þátt í alþjóðlegri keppni sem fram fer í Mannheim í Þýskalandi í maí.
Við höfum safnað 160 þúsund krónum en þurfum eina milljón, segir Magnús, en þeir sem með einhverjum hætti vilja styrkja för Naustaskólanemanna geta sett sig í samband við hann.
Nýjast
-
Heilbrigðiskerfið í bakkgír
Velferðarnefnd hefur haft til umfjöllunar nú í vor frumvarp til laga um breytingar á lögum um sjúkratryggingar. Yfirlýst markmið þessa frumvarps er að stytta þann tíma sem tekur að bjóða upp á nauðsynlega heilbrigðisþjónustu og þar með tiltekna meðferð. Á meðal þeirra breytinga sem lagðar eru til er að fest verði í lög ákvæði um greiðsluþátttöku fyrir læknismeðferð erlendis vegna biðtíma hér á landi. -
SAk tryggt fé til kaupa á heilaörvunartæki
Heilbrigðisráðherra hefur tryggt fjármagn sem gerir Sjúkrahúsinu á Akureyri (SAk) kleift að innleiða heilaörvunarmeðferð einstaklinga með meðferðarþrátt þunglyndi. Áætlað er að á upptökusvæði SAk séu um 240 einstaklingar sem gætu nýtt sér slíka meðferð árlega. Rannsóknir sýna að meðferðin skilar miklum árangri, eða um 60-70% í hópi einstaklinga sem þjást af meðferðarþráu þunglyndi en hafa lítið gagn af hefðbundinni meðferð, s.s. lyfjum og hugrænni atferlismeðferð. -
Framsýn og FSH skrifa undir nýjan kjarasamning
Stjórnendur Framsýnar og Framhaldsskólans á Húsavík hafa undanfarið átt í viðræðum um nýjan stofnanasamning fyrir starfsmenn skólans sem starfa eftir kjarasamningi félagsins. Viðræðurnar gengu mjög vel og kláruðust þær í gærmorgun með undirskrift aðila. -
Akureyri Open í frisbígolfi fór fram um helgina
Um helgina fór fram Gull- og Silfurmótið Akureyri Open í boði Sportver. Mótið var haldið af Frisbígolffélagi Akureyrar og fór fram á frisbígolfvellinum við tjaldstæðið á Hömrum. Keppnin stóð yfir í þrjá daga og tóku 83 keppendur þátt víðsvegar að af landinu. Þrátt fyrir að veðrið hafi ekki verið upp á sitt besta létu keppendur það ekki trufla sig og stemningin var frábær alla helgina. -
Hvers vegna öll þessi leynd? - Breytingar á skipulagi forvarnar- og frístundamála
Það var dularfull stemning í aðdraganda þess að ræða átti trúnaðarmál bæði í fræðslu- og lýðheilsuráði og í bæjarráði þann 22. maí sl. Ekki lá fyrir hvað ætti að ræða og engin gögn voru lögð fram fyrir fundinn. Á fundi bæjarráðs var svo tilkynnt að „ákvörðun hefði verið tekin“ um að leggja niður núverandi skipulag forvarna- og frístundamála hjá Akureyrarbæ. Átti að tilkynna starfsfólki breytingarnar síðar sama dag. -
Tveimur ferskum verkum í Pastel ritröð fagnað í Sigurhæðum
Á fimmtudag 12. júní klukkan fimm verður tveimur splunkunýjum verkum eftir tvo frábæra og ólíka listamenn í Pastel ritröð fagnað í Sigurhæðum á Akureyri. -
Hundakvöld á Listasafninu á Akureyri
Fimmtudaginn 12. júní mun Listasafnið á Akureyri bjóða hunda og eigendur þeirra velkomna á sérstakt hundakvöld. Opið verður frá kl. 19 til 22 og ókeypis inn fyrir eigendur í fylgd hunda -
Íbúum fjölgar á Norðurlandi eystra
Samkvæmt tölum úr Þjóðskrá fjölgaði fólki á Norðurlandi eystra frá 1 des. sl. til 1 júni s.l um 157 manns eða um 0,5%. Þetta er sama fjölgun og var á landsvísu á sama tima. -
atNorth ræður tvo nýja stjórnendur
Gagnavers- og ofurtölvufyrirtækið atNorth hefur ráðið Bjarka Björnsson sem forstöðumann fjármögnunar og fjárstýringar og Axel Valdemar Gunnlaugson í starf forstöðumanns upplýsingatækni.
