Launahækkanir kennara kosta Akureyrarbæ 250 milljónir
Eins og fram hefur komið í fréttum náðist samkomulag á milli Félags grunnskólakennara og samninganefndar sveitarfélaga um nýjan kjarasamning kennara fyrir skemmstu.
Samkvæmt samningnum er um að ræða hækkun launa um 7,3 prósent sem tók gildi 1. desember 2016. Enn fremur eiga laun að hækka um 3,5 prósent 1. mars 2017. Auk þess felur samningurinn í sér að þann 1. janúar 2017 skal greiða hverjum starfsmanni sem var í fullu starfi í desember 2016 sérstaka eingreiðslu að upphæð kr. 204 þúsund.
Vikudagur spurðist fyrir um hversu mikla útgjaldaaukningu þessi hækkun hefði í för með sér fyrir Akureyrarbæ. Í skriflegu svari til blaðsins sagði Guðmundur Baldvin Guðmundsson formaður bæjarráðs að Akureyrarbær væri vel í stakk búinn til að mæta þessari útgjaldaaukningu. „Í þeirri fjárhagsáætlun sem við erum að ganga frá þessa dagana er gert ráð fyrir launapotti vegna ófrágenginna samninga upp á 250 milljónir króna þannig að út frá því erum við nokkuð vel í stakk búin til að takast á við þessa hækkun. Við erum hins vegar með halla af rekstri A-hluta sem er áhyggjuefni,“ segir hann.
Samkvæmt útreikningum á áhrifum kjarasamningsins þá má gera ráð fyrir ríflega 250 milljóna króna hækkun útgjalda á árinu 2017. Þá er horft til prósentu hækkana samningsins og eingreiðslunnar í upphafi árs 2017.
Í umræðum um rekstur grunnskólanna hafa heyrst þær raddir meðal kennara að sveitarfélögin ættu hreinlega að skila rekstrinum til aftur til ríkisins. Aðspurður segir Guðmundur Baldvin að sú umræða hafi ekki verið tekin hjá Akureyrarbæ. „Við höfum hins vegar talið mikilvægt að skoða tekjustofna sveitarfélaga sem og tekjuskiptingu ríkis og sveitarfélaga,“ segir hann.
Nýjast
-
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja.
Athugasemdir