L-listinn vinnur stórsigur á Akur- eyri samkæmt skoðanakönnun
L-listinn fær 39,3% fylgi en í sambærilegri könnun sem birtist í Vikudegi í síðustu viku, var L-listinn með 24,4% fylgi og þrjá bæjarfulltrúa. Í kosningunum 2006 fékk listinn tæplega 10% atkvæða og einn bæjarfulltrúa. Öll hin framboðin fimm tapa fylgi nú frá síðustu könnun, Vinstri grænir hlutfallslega mest, eða tæpum 5 prósentustigum. Sjálfstæðisflokkurinn fær 14,2%, samkvæmt þessari nýju könnun og tvo bæjarfulltrúa en önnur framboð fá einn bæjarfulltrúa hvert. Framsóknarflokkurinn fær 13% fylgi, Vinstri grænir 12,6%, Samfylkingin 11,2% og Bæjarlistinn 9,7%.
Samkvæmt þessari niðurstöðu gæti L-listinn myndað meirihluta með hverju sem er af hinum framboðunum fimm. L-listinn hefur þannig möguleika á sex manna meirihluta með fjórum framboðum og sjö manna meirihluta með Sjálfstæðisflokki. Enn eru þó margir óákveðnir, eða neita að svara og það er því hörð barátta framundan þessar síðustu klukkustundir fram að kosningum. Könnunin var framkvæmd dagana 20.-26. maí sl.
Nánar er fjallað um könnunina í Vikudegi í dag og þar koma fram viðbrögð oddvitanna sex við þessari niðurstöðu.
Jafnframt var í könnun Capacent Gallup fyrir Vikudag spurt um afstöðu bæjarbúa til langningu Dalsbrautar. Þar kemur fram að meirihluti Akureyringa er hlynntur því að Dalsbraut verði lögð frá Þingvallastræti suður að Miðhúsabraut. Af þeim sem tóku afstöðu eru 63,2% svarenda algerlega, mjög eða frekar hlynntir lagningu Dalsbrautar en 16,2% algerlega, mjög eða frekar andvígir lagninu götunnar. Þá eru 20,6% hvorki með eða móti framkvæmdinni.
Þá er í blaðinu í dag einnig birt niðurstaða könnunar Capacent Gallup fyrir Vikudag um hvort ráða eigi pólitískan eða ópólitískan bæjarstjóra á næsta kjörtímabili en sú könnun var framkvæmd dagana 11.-16. maí sl. Þar kemur fram að mikill meirihluti Akureyringa vill að ráðinn verði ópólitískur bæjarstjóri á næsta kjörtímabili. Af þeim sem tóku afstöðu vildu 82,6% að ráðinn yrði ópólitískur bæjarstjóri en 17,4% vildu ráða pólitískan bæjarstjóra. Spurt var: Hvort kysir þú frekar að næsti bæjarstjóri á Akureyri væri pólitískur eða ópólitískur? Alls svöruðu 440 manns, 358 tóku afstöðu, þar af vildu 296 ráða ópólitískan bæjarstjóra en 82 tóku ekki afstöðu. Þegar þeir 62 sem vilja ráða pólitískan bæjarstjóra voru spurðir hvern af oddvitum framboðanna sex þeir vildu helst sjá sem bæjarstjóra, nefndu flestir Sigrúnu Björk Jakobsdóttur, eða 24 og næst flestir Hermann Jón Tómasson, eða 13. Nánar í Vikudegi í dag.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.