Kom, sá og sigraði
Sigurður Barði Ólafsson með bjórinn, Október Kalda.
Sigurður Barði Ólafsson bar sigur úr býtum á árlegri bjórkeppni að Hólum í Hjaltadal en keppnin fór fram sl. helgi. Sex bruggsmiðjur tóku þátt en Sigurður keppti fyrir hönd Bruggsmiðjunnar á Árskógssandi sem framleiðir bjórinn Kalda. Það sem vekur ekki síst athygli er ungur aldur Sigurðar, en hann er einungis 21 árs og er þetta hans fyrsta uppskrift. Ég er gífurlegur bjóráhugamaður. Ég drekk reyndar ekki mikið af bjór en finnst svakalega gaman að finna upp á nýjum tegundum, segir Sigurður.
Vinningsbjórinn nefnist Október Kaldi og kemur í verslanir 24. september. Sigurður lýsir bjórnum þannig: Þetta er millidökkt öl, þægilega beiskt, þétt maltur, sætur og þægilegur í drykkju. Þrátt fyrir ungan aldur er Sigurður enginn nýgræðingur þegar kemur að bruggi. Hann er sonur þeirra Agnesar Sigurðardóttur og Ólafs Þrastar Ólafssonar sem stofnuðu Bruggsmiðjuna árið 2005 og fór hann sjálfur að brugga þegar hann var 17 ára. Ég er búinn að vera með mömmu og pabba frá því í byrjun og fylgjast mikið með. Fyrir þremur árum síðan fór ég að vinna alfarið í bruggsmiðjunni og áhuginn og metnaðurinn fór að aukast.
Stundar nám í bruggi
Sigurður stundar nú nám í bruggi en bóklega námið tekur hann í fjarnámi við tvo erlenda skóla og lýkur náminu innan skamms. Þá verð ég orðinn diplóma í bruggun, segir hann. Hann er hvergi nærri hættur og hyggur á frekari vinninga í bruggi þegar fram líða stundir. Maður er strax farinn að leika sér með aðrar uppskriftir. Svo er markmiðið að sölsa undir sig Bruggsmiðjuna í framtíðinni, segir Sigurður léttur.
throstur@vikudagur.is
Nýjast
-
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann. -
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku.
