Kennarar upplifa ofbeldi í meira mæli, hótanir og áreiti frá nemendum í grunnskóla
Í danskri grein sem ég las kemur fram að nemendur í grunnskólanum færa sig upp á skaftið og kennarar verða oftar fyrir ofbeldi, hótunum og áreiti. Þetta kom fram í nýrri skýrslu sem gefin var úr af ,,Vinnueftirlitinu“ í Danaveldi.
Nemendur kalla kennara sína ýmsum nöfnum eða tala illa um þá heima fyrir. Skýrslan sýnir að hegðun grunnskólabarna hefur versnað undanfarin ár. Fimmti hver kennari í Danmörku segist hafa orðið fyrir ofbeldi síðustu ár og fjórði hver fékk hótun frá grunnskólabarni. Frá árinu 2010 má greina aukning á fjarveru kennarar vegna atvinnusjúkdóms sem er fylgifiskur hótana um ofbeldi eða upplifun tengda áfalli. Í kjölfarið tók Menntamálaráðherra á málinu og hefur útbúið vegvísi til að grunnskólar geti komið í veg fyrir eða tekið á ofbeldi og hótunum af hálfu nemenda. Ekki á að sætta sig við ofbeldið né heldur víkka mörkin segir ráðherrann.
Hjá kennarafélagi Danmerkur eru menn ánægðir með að ráðherra taki á málinu en varaformaður kennarafélagsins bendir á að betri fókus þurfi á nemendur sem hafa blandast öðrum í bekk, í tengslum við skóla án aðgreiningar, með það fyrir augum að auka stuðning.
Varaformaður kennarafélagsins telur aukið ofbeldi og hótanir hafi aukist vegna blöndunar, sem var 2012, og án þess að nægilegur stuðningur hafi fylgt hinum ólíku nemendum. Í stað þess að fá sérkennslu er þeim kennt í almennum bekkjardeildum. Það eru nemendur í skólunum sem fá ekki þann stuðning sem þeir þurfa og kennari getur ekki veitt, því ríflega 20 aðrir nemendur eru í bekknum. Það getur auðveldlega valdið ergelsi og ringulreið hjá nemendum þegar þeir fá ekki þá hjálp sem þeir þurfa. Það er synd bæði fyrir nemanda og kennara.
Þó ég hafi tekið danska grein fyrir í skrifunum get ég allt eins beint skrifum mínum að kerfinu hér á landi. Ofbeldi á hendur kennara, hótanir og kærur hafa aukist undanfarin ár. Það helst í hendur með að öllum nemendum er blandað saman án nægilegs stuðnings auk þess sem börnum eru ekki sett mörk hvað uppeldi varðar s.s. kurteisi og virðingu fyrir kennara sínum og fólki almennt. Skólarnir virðast varnalausir þegar kemur að slíkum ósóma. Uppvöðslusamnir nemendur geta haldið bekkjardeildum í heljargreipum án þess að nokkur lausn sé til fyrir þá. Í íslenska grunnskóla vantar úrræði líkt og hjá þeim dönsku. Ekki síður vantar rannsóknir á hve víðtækt þetta vandamál er hér á landi. Sama má segja með veikindi grunnskólakennara, sjúkrasjóður þeirra tæmist hratt vegna kennarar sem kulna í starfi sem vissulega má að hluta rekja til þeirra þátta sem hér hafa verið nefndir. Mikilvægt er að rannsaka orsök og afleiðingu.
-Helga Dögg Sverrisdóttir, grunnskólakennari
Nýjast
-
Sigríður Örvarsdóttir nýr safnstjóri Listasafnsins
Sigríður Örvarsdóttir hefur verið ráðin nýr safnstjóri Listasafnsins á Akureyri. Sigríður er með MA gráðu í safnafræði frá Háskóla Íslands (2018), BA gráðu í textílhönnun frá Seminaret for Kunst og Haandværk í Danmörku (2001), ásamt meistaranámi í prjónahönnun frá Academie Royale des Beux-Arts (2014) og viðbótardiplómu í hagnýtri jafnréttisfræði frá Háskóla Íslands (2009). Auk þess er hún með kennsluréttindi í grunn- og framhaldsskóla (2001). Sigríður hefur starfað sem safnstjóri og forstöðumaður Menningarmiðstöðvar Þingeyinga frá árinu 2022 og veitir sem slík forstöðu Myndlistarsafni Þingeyinga en safneign þess telur um 1.900 verk. Í starfi sínu stýrir hún starfseminni og ber ábyrgð á öllum þáttum rekstrar, allri fjárhags- og verkefnaáætlanagerð, bókhaldi, mannauðsmálum, rekstri fasteigna og faglegu starfi sjö annarra safneigna og fjögurra sýningarstaða. Sigríður starfaði sem verkefnastjóri sýninga hjá Akureyrarbæ sumarið 2021. Í því starfi sinnti hún sýningagerð, rannsóknarvinnu og kynningarmálum. Árin 2019 til 2020 var hún sjálfstætt starfandi ráðgjafi við gerð safnastefnu Akureyrarbæjar. Hún gegndi starfi safnafulltrúa Listasafnsins á Akureyri árið 2012 og árin 2010 og 2012 starfaði hún sem verkefnastjóri samsýninga og ritstjóri safnahandbóka fyrir söfn á Norður- og Norðausturlandi. Árin 2008 til 2012 starfaði hún sem safnkennari við Minjasafnið á Akureyri. Sigríður hefur reynslu af kennslu í list- og hönnunargreinum á öllum skólastigum innan lands sem utan, m.a. hjá Listaháskóla Íslands og Marbella Design Academy á Spáni. Hún hefur tekið þátt í alheimsþingi ICOM, alþjóðaráðs safna og verið fulltrúi þess í Rannsóknarsetri í safnafræðum við Háskóla Íslands. Alls bárust 14 umsóknir um starfið. -
Virðist sem skorti pólitískan vilja
Stjórn og trúnaðarráð Framsýnar kom saman til fundar í gær. Mörg mikilvæg mál voru til umræðu á fundinum m.a. samgöngumál. Ákveðið var að hvetja Vegagerðina og stjórnvöld til að styðja við áætlunarflug um Húsavíkurflugvöll auk þess styðja betur við Loftbrúna sem skiptir íbúa á landsbyggðinni verulega miklu máli. Fjölga þarf ferðum sem menn geta nýtt sér á þessum sérstöku kjörum -
Vantraust og kerfishrun í málefnum fólks með ADHD
Aðalfundur ADHD samtakanna fta, haldinn 16. apríl 2024 skorar á Heilbrigðisráðherra að grípa nú þegar til aðgerða vegna þess kerfishruns sem blasir við í þjónustu hins opinbera við fólk með ADHD. Vegna aðgerðarleysis stjórnvalda á liðnum árum hafa biðlistar eftir greiningu og meðferð meira en tvöfaldast og nú bíða um fjögur þúsund einstaklingar eftir að komast í greiningarferli. Biðtími fullorðinna eftir ADHD greiningu og meðferð verður að óbreyttu vel á annan áratug hjá þeim sem nú hefja ferlið samkvæmt tilvísun Heilsugæslulæknis – vel á annan áratug!! -
SAk - Sumarmönnun vel á veg komin
Líkt og hjá öðrum heilbrigðisstofnunum hefur mönnun verið mikil áskorun fyrir Sjúkrahúsið á Akureyri. Herferðin „Komdu í lið með okkur!” sem miðaði að því að kynna SAk sem eftirsóknarverðan vinnustað og gefa innsýn í störf hjúkrunarfræðinga og ljósmæðra á Sjúkrahúsinu á Akureyri hitt í mark og er sumarmönnun nú vel á veg komin. -
Húsavík - Vilja koma á tengiliðaverkefni fyrir nýja íbúa
Helena Eydís Ingólfsdóttir, fulltrúi D lista og formaður fjölskylduráðs Norðurþings lagði til á fundi ráðsins í síðustu viku að hafinn verði undirbúningur að því að koma á tengiliðaverkefni fyrir nýja íbúa í samstarfi sveitarfélagsins, vinnustaða og félagasamtaka. Með verkefninu er átt við að þegar nýir íbúar flytja í sveitarfélagið Norðurþing taki samfélagið höndum saman og greiði leið þeirra inn samfélagið. -
Listamannaspjall með Gunnari Kr. Jónassyni í Listasafninu á Akureyri n.k. laugardag
Laugardaginn 20. apríl kl. 15 verður listamannaspjall með Gunnari Kr. Jónassyni um verk hans á samsýningunni Sköpun bernskunnar, sem nú stendur yfir í Listasafninu á Akureyri. Stjórnandi er Heiða Björk Vilhjálmsdóttir, sýningarstjóri. Aðrir þátttakendur sýningarinnar eru Ingunn Fjóla Ingþórsdóttir og nemendur úr leikskólanum Naustatjörn og grunnskólunum Glerárskóla og Naustaskóla. -
Norðurorka fær umhverfisverðlaun Terra
Norðurorka hlaut umhverfisverðlaun Terra á landsbyggðinni fyrir árið 2023. Norðurorka hefur sett fordæmi fyrir því hversu vel má flokka allt sem til fellur hjá stóru fyrirtæki. Hlutfall sem urðað er eða sent í brennslu er í algjör lágmarki og samræmist það mjög vel stefnu Terra um að skilja ekkert eftir. Norðurorka hefur tileinkað sér þær nýjungar sem Terra býður upp á og hefur fyrirtækið verið reiðubúið að prófa nýjar lausnir og gefið álit sitt á virkni þeirra. Forsvarsmenn Terra segir að ansi mörg fyrirtæki sem séu í viðskiptum við félagið hafi bætti sig á milli ára þegar kemur að flokkun, sem aftur skili hreinni straumum og hærra hlutfalli heildarúrgangs sem fer í endurvinnslu. -
Nýr Kjalvegur – Hraðbraut í gegnum hálendið
Á Alþingi liggur nú fyrir þingsályktunartillaga um endurnýjun vegar yfir Kjöl með einkaframkvæmd en nokkrum sinnum hefur verið reynt að mæla fyrir málinu í gegnum tíðina án árangurs. -
Hefur myndað báta frá barnsaldri
Hafþór Hreiðarsson, ljósmyndari og nú myndlistamaður
Athugasemdir