Kanadískt ferðafólk innlyksa í Laugafelli í sex sólarhringa
Laugafell í gær. Bíll kanadíska parsins er fjær á myndinni. Mynd/Páll Rúnar Traustason
Páll Rúnar Traustason og Einar Hjartarsson, félagar í Ferðafélagi Akureyrar, fóru í gær í eftirlitsferð í skála félagsins í Laugafelli. Þegar þeir nálgust skálann sáu þeir bíl fyrir utan og skömmu síðar komust þeir að því að inni í skálanum var kanadískt par sem hafði leitað þar skjóls fyrir óveðrinu í byrjun vikunnar. Parið hafðist því við í skálanum í nærri sex sólarhringa.
Við ætluðum bara að ganga frá ýmsu fyrir veturinn og datt auðvitað ekki í hug að þarna væri fólk. Þetta voru karl og kona frá Kanada, á fimmtugs aldri. Þau brugðust hárrétt við öllum aðstæðum, voru róleg og tóku greinilega réttar ákvarðanir í einu og öllu. Þau voru ekki með síma og gátu því ekki látið vita af sér, segir Páll Rúnar.
Á þessum slóðum er talsverður snjór, þannig að bíllinn er fastur. Skálinn í Laugafelli er hlýr og í honum er að finna nokkuð af matvælum, en þau voru líka með mat í bílnum. Þau voru búin að skipta matarbirgðunum upp í þrjátíu skammta, einn skammt fyrir hvern sólarhring. Í þessari stöðu hefðu einhverjir reynt að ganga til byggða, en sem betur fer reyndu þau ekkert slíkt, heldur létu fyrir berast í skálanum og biðu eftir hjálp.
Fólkið hafði reynt að vekja athygli á sér, skrifað SOS í snjóinn, sett endurskinsmerki á fánastöng og áberandi dúk á þak bílsins. Fólkið fór með Páli Rúnari og Einari til Akureyrar, bíllinn verður svo sóttur þegar aðstæður leyfa. Maður gleymir þessu sjálfsagt seint, þetta var afar ánægjuleg björgun, segir Páll Rúnar Traustason.
Nýjast
-
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann.
